قارجىلىق مونيتورينگ اگەنتتىگى زاڭناما تالاپتارىن اينالىپ ءوتىپ، ازاماتتارعا نەسيە ۇسىناتىن زاڭسىز ميكروقارجى ۇيىمدارىنىڭ جولىن كەسۋ باعىتىندا اتقارىلىپ جاتقان جۇيەلى جۇمىستاردىڭ ناتيجەسىمەن ءبولىستى، دەپ حابارلايدى Dalanews.kz.
قۇزىرلى ۆەدومستۆو مۇنداي ۇيىمدار زاڭدى نەسيەلەۋ تۇرىندە قىزمەت كورسەتكەنىمەن، شىن مانىندە قارىز الۋشىلارعا ءتۇرلى قوسىمشا تولەمدەر مەن پايىزداردى، ساقتاندىرۋ جارنالارىن مىندەتتەپ جۇكتەيتىنىن ەسكەرتەدى.
"بۇل ادىستەر ارقىلى ولار سىياقى مولشەرلەمەسىنە قاتىستى زاڭمەن بەلگىلەنگەن شەكتەۋلەردى اينالىپ وتەدى. ناتيجەسىندە ازاماتتار وزىنە جۇكتەلگەن قارىزدى بىرنەشە ەسە كوپ پروسەنتپەن تولەۋگە ءماجبۇر بولىپ، قارجىلىق قۇرىققا ىلىنەدى. 2025 جىلدىڭ باسىنان بەرى وسىنداي 5 زاڭسىز ميكروقارجى ۇيىمىنىڭ قىزمەتى توقتاتىلدى. بۇل ۇيىمداردان 300 مىڭنان استام ازامات زارداپ شەككەن، ولاردىڭ جالپى ارتىق تولەم سوماسى 71 ملرد تەڭگەدەن اسقان"، دەپ ناقتىلايدى قما.
قارىز الماس بۇرىن، ونىڭ بارلىق شارتتارىن مۇقيات وقىپ، ءتۇسىنىپ الىڭىز. ءاربىر ازاماتتىڭ نە ءۇشىن تولەم جاساپ جاتقانىن بىلۋگە تولىق قۇقىعى بار.
"زاڭدى مقۇ (ميكروقارجى ۇيىمدارى) "تەكسەرۋسىز" جانە "بارلىعىنا بەرىلەدى" دەگەن ۋادەلەرمەن جۇمىس ىستەمەيدى"، - دەيدى ۆەدومستۆوداعىلار.
