Muhtar Taijan, jer máselesi - aqshamen baǵalanbaidy - Aigúl Orynbek
Buǵan saiasatkerdiń Jer komissiiasynyń múshesi retinde aqy alǵany sebep bolǵan. Orynbektiń aitýynsha, jer, til, ult máselesi - aqshamen baǵalanbaidy.
"2016-2018 jyldary Jer komissiiasy múshesi retinde óz júrgen-turǵanyma, bireýden bir tiyn alǵan emespin!
Jazylǵan jazbalaryma, kótergen máselelerime eshkimnen qarajat almaǵanmyn dep Eldiń aldynda ashyq aita alamyn. Al eger meniń atymdy paidalanyp Muhtar Taijan Úkimetten aqsha alǵan bolsa, QR Sybailas jemqorlyqqa qarsy qyzmeti tergep-tekserýdi suraimyn!
Bul máseleni nege búgin kóterip otyrǵanymdy surasańyzdar, aitaiyn!
Sebebi eki kún buryn Muhtar aǵam óz suhbattarynda “lobbilik qyzmeti” úshin aqsha alyp otyrǵanyn aitty.
Jer máselesin kóterip júrgen barlyq komissiia músheleri sondai dep oilamas úshin, Halyq aldynda júzimdi ashyp alǵandy jón kórip otyrmyn!", – deidi ol.
Orynbek jer daýy kezinde Muhtar Taijannyń bas paidasyn oilap, atqarǵan jumysy úshin aqy alǵanyna qynjylǵanyn aitady.
“Eldiń aldynda júrgen belsendiler “zakazǵa” jazady”, “zakaz” oryndaidy”, “bireýdiń múdessin aqsha úshin madaqtap-maqtaidy” degen alyp-qashpa áńgimeler osyndai kisilerdiń arqasynda shyǵatynyna kózim jetti…
Jalpy Muhtar aǵamnyń “betperdesi” Badamda Qytai zaýyty salynaiyn dep jatyr dep kómek suraǵan kezimde sheshilgen. Sodan keiin-aq, ózimdi ol kisiden alys ustaýdy jón sanaǵanmyn.
Jalpy kásipker, iá óz qyzmetine aqy alý kerek, biraq Ulttyq múde aqshaǵa satylmaý kerek. Osyny kez kelgen El aldynda “atoilap” júrgen belsendiler bilip júrińder. Jer, Til, Ult máselesin óz paidasyna paidalanyp, aqsha jasap júrgen adam - men úshin Elin satatyn satqyn!", – dep jazǵan eken jelidegi paraqshasynda Aigúl Orynbek.
https://dalanews.kz/sadak/86872-aqzholdyng-respublikalyq-ugit-nasikh
