بۇعان ساياساتكەردىڭ جەر كوميسسياسىنىڭ مۇشەسى رەتىندە اقى العانى سەبەپ بولعان. ورىنبەكتىڭ ايتۋىنشا، جەر، ءتىل، ۇلت ماسەلەسى - اقشامەن باعالانبايدى.
"2016-2018 جىلدارى جەر كوميسسياسى مۇشەسى رەتىندە ءوز جۇرگەن-تۇرعانىما، بىرەۋدەن ءبىر تيىن العان ەمەسپىن!
جازىلعان جازبالارىما، كوتەرگەن ماسەلەلەرىمە ەشكىمنەن قاراجات الماعانمىن دەپ ەلدىڭ الدىندا اشىق ايتا الامىن. ال ەگەر مەنىڭ اتىمدى پايدالانىپ مۇحتار تايجان ۇكىمەتتەن اقشا العان بولسا، ق ر سىبايلاس جەمقورلىققا قارسى قىزمەتى تەرگەپ-تەكسەرۋدى سۇرايمىن!
بۇل ماسەلەنى نەگە بۇگىن كوتەرىپ وتىرعانىمدى سۇراساڭىزدار، ايتايىن!
سەبەبى ەكى كۇن بۇرىن مۇحتار اعام ءوز سۇحباتتارىندا “لوببيلىك قىزمەتى” ءۇشىن اقشا الىپ وتىرعانىن ايتتى.
جەر ماسەلەسىن كوتەرىپ جۇرگەن بارلىق كوميسسيا مۇشەلەرى سونداي دەپ ويلاماس ءۇشىن، حالىق الدىندا ءجۇزىمدى اشىپ العاندى ءجون كورىپ وتىرمىن!"، – دەيدى ول.
ورىنبەك جەر داۋى كەزىندە مۇحتار تايجاننىڭ باس پايداسىن ويلاپ، اتقارعان جۇمىسى ءۇشىن اقى العانىنا قىنجىلعانىن ايتادى.
“ەلدىڭ الدىندا جۇرگەن بەلسەندىلەر “زاكازعا” جازادى”، “زاكاز” ورىندايدى”، “بىرەۋدىڭ مۇدەسسىن اقشا ءۇشىن ماداقتاپ-ماقتايدى” دەگەن الىپ-قاشپا اڭگىمەلەر وسىنداي كىسىلەردىڭ ارقاسىندا شىعاتىنىنا كوزىم جەتتى…
جالپى مۇحتار اعامنىڭ “بەتپەردەسى” بادامدا جۇڭگو زاۋىتى سالىنايىن دەپ جاتىر دەپ كومەك سۇراعان كەزىمدە شەشىلگەن. سودان كەيىن-اق، ءوزىمدى ول كىسىدەن الىس ۇستاۋدى ءجون ساناعانمىن.
جالپى كاسىپكەر، ءيا ءوز قىزمەتىنە اقى الۋ كەرەك، ءبىراق ۇلتتىق مۇدە اقشاعا ساتىلماۋ كەرەك. وسىنى كەز كەلگەن ەل الدىندا “اتويلاپ” جۇرگەن بەلسەندىلەر ءبىلىپ جۇرىڭدەر. جەر، ءتىل، ۇلت ماسەلەسىن ءوز پايداسىنا پايدالانىپ، اقشا جاساپ جۇرگەن ادام - مەن ءۇشىن ەلىن ساتاتىن ساتقىن!"، – دەپ جازعان ەكەن جەلىدەگى پاراقشاسىندا ايگۇل ورىنبەك.
https://dalanews.kz/sadak/86872-aqzholdyng-respublikalyq-ugit-nasikh
