Muhamedjan Bas múfti bola ma?
Din komitetiniń qaita sailanǵan tóraǵasy Ǵalym Shoikinniń sońǵy ýaqytta biz kórgen jalǵyz jumysy «Keibir meshitterde ýaǵyz orys tilinde de júrgizilý kerek» degen basshysynyń sózin áleýmettik jelide janushyra qorǵaǵany. Durys emes demeimiz. Biraq, komitettiń naqty sáláftardyń kósemderimen kúresýge shamasy kele me? Kelmese, ol komitetten ne qaiyr?
Áitpese, Nurlan Ermekbaev ta, onyń qaramaǵyndaǵy Ǵalym Shoikin de depýtattardyń arasynda, ne ózge de laýazymdy qyzmetterde otyrǵan, ásirese, qaýipsizdik salasynda qyzmet etip júrgen sáláfitterdi bilmeidi dep oilaisyz ba? Olardyń atyn atap, el aldyna shyǵarýǵa bular nege batpaidy?
Iia, jańa ministrlik pen eski komitettiń jumysyna qairan qalyp otyrǵanymyzsha, el arasynda jańa shý shyqty. Bas múfti Erjan qajy Malǵajyuly aldaǵy jyly qyzmetinen ketip, onyń ornyna Muhamedjan Tazabekov múfti bolýǵa talpynyp júr degen sybys shyqqaly, qoǵam alańdaýly boldy.
Jaqynda ǵana qazaqtyń mańdaiyna bitken ǵalymy, abaitanýshy Mekemtas Myrzahmetov «Tazabektiń úiinde 20 ýahabshymen bas qostym. Olar depýtattardyń arasynda da, qaýipsizdik salasynda da bar» dep ashyq aityp, qalyń ýahapshy-sáláf bitkendi joimasa, ultqa úlken qaýip tónip turǵanyn jalpyq jurtqa jetkizip edi. Árine, Baýyrjan Momyshulynyń tárbiesin kórgen, búginde 90-ǵa kelgen abyz aqsaqalǵa senbeske lajymyz joq.
Iia, el aǵalary ýahapshy dep aiyptaǵan adam Bas múfti bolǵanda, qazirgi dini ahýal ne bolar eken… Degenmen, biz úzilmeitin bir úmitpen osy salaǵa jaýapty quzyrly organdar el úshin durys sheshimdi qabyldaidy dep senemiz.
Ibrahim Ziiarat,
DEREKKÓZ: Qazaq úni gazeti
