مۇحامەدجان باس مٷفتي بولا ما?
دٸن كوميتەتٸنٸڭ قايتا سايلانعان تٶراعاسى عالىم شويكيننٸڭ سوڭعى ۋاقىتتا بٸز كٶرگەن جالعىز جۇمىسى «كەيبٸر مەشٸتتەردە ۋاعىز ورىس تٸلٸندە دە جٷرگٸزٸلۋ كەرەك» دەگەن باسشىسىنىڭ سٶزٸن ەلەۋمەتتٸك جەلٸدە جانۇشىرا قورعاعانى. دۇرىس ەمەس دەمەيمٸز. بٸراق, كوميتەتتٸڭ ناقتى سەلەفتاردىڭ كٶسەمدەرٸمەن كٷرەسۋگە شاماسى كەلە مە? كەلمەسە, ول كوميتەتتەن نە قايىر?
ەيتپەسە, نۇرلان ەرمەكباەۆ تا, ونىڭ قاراماعىنداعى عالىم شويكين دە دەپۋتاتتاردىڭ اراسىندا, نە ٶزگە دە لاۋازىمدى قىزمەتتەردە وتىرعان, ەسٸرەسە, قاۋٸپسٸزدٸك سالاسىندا قىزمەت ەتٸپ جٷرگەن سەلەفيتتەردٸ بٸلمەيدٸ دەپ ويلايسىز با? ولاردىڭ اتىن اتاپ, ەل الدىنا شىعارۋعا بۇلار نەگە باتپايدى?
ييا, جاڭا مينيسترلٸك پەن ەسكٸ كوميتەتتٸڭ جۇمىسىنا قايران قالىپ وتىرعانىمىزشا, ەل اراسىندا جاڭا شۋ شىقتى. باس مٷفتي ەرجان قاجى مالعاجىۇلى الداعى جىلى قىزمەتٸنەن كەتٸپ, ونىڭ ورنىنا مۇحامەدجان تازابەكوۆ مٷفتي بولۋعا تالپىنىپ جٷر دەگەن سىبىس شىققالى, قوعام الاڭداۋلى بولدى.
جاقىندا عانا قازاقتىڭ ماڭدايىنا بٸتكەن عالىمى, ابايتانۋشى مەكەمتاس مىرزاحمەتوۆ «تازابەكتٸڭ ٷيٸندە 20 ۋاحابشىمەن باس قوستىم. ولار دەپۋتاتتاردىڭ اراسىندا دا, قاۋٸپسٸزدٸك سالاسىندا دا بار» دەپ اشىق ايتىپ, قالىڭ ۋاحاپشى-سەلەف بٸتكەندٸ جويماسا, ۇلتقا ٷلكەن قاۋٸپ تٶنٸپ تۇرعانىن جالپىق جۇرتقا جەتكٸزٸپ ەدٸ. ەرينە, باۋىرجان مومىشۇلىنىڭ تەربيەسٸن كٶرگەن, بٷگٸندە 90-عا كەلگەن ابىز اقساقالعا سەنبەسكە لاجىمىز جوق.
ييا, ەل اعالارى ۋاحاپشى دەپ ايىپتاعان ادام باس مٷفتي بولعاندا, قازٸرگٸ دٸني احۋال نە بولار ەكەن… دەگەنمەن, بٸز ٷزٸلمەيتٸن بٸر ٷمٸتپەن وسى سالاعا جاۋاپتى قۇزىرلى ورگاندار ەل ٷشٸن دۇرىس شەشٸمدٸ قابىلدايدى دەپ سەنەمٸز.
يبراھيم زييارات,
دەرەككٶز: قازاق ٷنٸ گازەتٸ
