Tsifrlyq damý ministri Baǵdat Mýsin kúni keshe Almaty oblysynda óli tabylǵan Lenovo kompaniiasynyń Qazaqstandaǵy GR direktory Ermek Jaqypjanovpen tanys bolǵanyn aityp, marqumnyń týystaryna kóńil aitty, dep habarlaidy Dalanews.kz.
"Ermek sondai aqkóńil jigit edi, kim kómek surasa, soǵan qol ushyn sozýǵa daiar turatyn. Ózine paidasy bar ma, joq pa, ol jaǵy múlde qyzyqtyrmaityn. Keshe tańerteń Álisher Elikbaevtan onyń joǵalyp ketkenin bilip, sodan jan-jaqpen habarlasyp otyrdym. Aman tabylsa eken degen ishtei tilek boldy. Bolǵan oqiǵanyń keibir jaitynan qanyqqan soń, júregim syzdap, kózime jas úiirildi. Nege ekenin, Denis Tenniń ólimi kóz aldyma keldi. Biz óte jaqyn dos boldyq dep aita almaimyn, biraq Ermekti jalpy tanitynmyn, únemi oǵan jylyqabaq tanytyp, jaqyn tutýshy edim. Imandy bolsyn", dep jazdy Mýsin Telegram-daǵy arnasynda.
Sondai-aq ministr reforma IIM-de emes, adamdar sanasynda júrgizilýi tiis dep ashynady.
"Men bir nárseni túsindim, reforma IIM-de emes, adamdardyń sanasyna qajet. Ókinishke qarai, bul belgili bir memlekettik organdaǵy mehanikalyq ózgeristerdi ǵana emes, kóptegen shep boiynsha júieli tektonikalyq alǵa jyljýdy qajet etedi…", delingen jazbada.
Aita ketsek,10 qazanda Ile aýdany Ótegen batyr aýylynyń shetinde zorlyq-zombylyqpen óltirilý belgileri bar 42 jastaǵy er adamnyń máiiti tabyldy. Marqumnyń bir kún buryn Almatyda joǵalyp ketken Lenovo kompaniiasynyń Qazaqstandaǵy, Tájikstandaǵy jáne Túrikmenstandaǵy memlekettik institýttarymen jumys jónindegi direktory Ermek Jaqypjanov ekeni belgili boldy.
