Al ótken aptada Fransıanyń Nıssa qalasynda ulty arab lańkes júk mashınasymen on myńdaǵan adam jınalǵan qaraqurym halyqtyń ústine kóligin aıdap, 2 shaqyrym boıy aldyna ilingen jazyqsyz adamdardyń bárin qyryp, júzdegen adam jaraqataǵan edi.
Jantalasyp, janjaqqa qashqan halyqty, jaraqat alǵandardy aýrýhanalarǵa tasymaldaǵan taksıshiler eshbir aqy almapty. Taksıshiler jurttyń bárin tegin jetkizipti...
Al ótken jeksenbi kúni Nıssada oaqıǵa bolǵan jerge onmyńdaǵan halyq jınalyp, qaza bolǵandardy eske aldy. Adamdar mert bolǵan jerlerge myńdaǵan gúlder qoıyldy. Nıssa qalasyndaǵy gúl satatyn dúkender birigip, barlyq gúldi tegin taratqanyn estidik.
Osydan birneshe jyl buryn qarly-boranda elimizde jol boıynda qalǵan jolaýshylar jaqyn mańdaǵy úılerge jan saýǵalap barǵanda, árbir tilim nan men bir-eki shyny shaıdy, jyly úıde turǵandary úshin shekten tys kóp aqsha suraǵanyn estip edim.
Jalpy, biz "musylmanbyz", "pálenbiz, túgenbiz" dep óz ózimizdi maqtaı bergenshe, bir sát beıtarap otyryp oılanyp, qazirgi jaǵdaıymyzǵa oı júgirtip, óz kemshilikterimizdi de kóre bilsek ıgi edi...
Murtaza JÚNİSULY
(jazba avtordyń Feısbýktaǵy paraqshasynan alyndy)
