- Táýelsizdik alǵan jyldardan beri elimizdiń meditsina salasynda eleýli ózgerister boldy. Biz,Túrkistan oblysynyń tarihy qalanǵan shaqtyń kýási boldyq jáne óńirdi damytyp, elimizdiń meditsina salasyn órbitý jolynda birlese eńbek etemiz. Aldymyzda úlken mindetter tur, — degen Túrkistan oblysy densaýlyq saqtaý basqarmasynyń basshysy Muqan Egizbaev táýelsizdigimizdiń baiandy bolýyn tiledi.
Túrkistan oblysynyń meditsina salasynyń maitalmandaryna oblys ákiminiń Qurmet gramotasy men Alǵys hattary, Oblys máslihatynyń gramotalary men “Nur Otan” partiiasynyń Qurmet gramotalary tabystaldy.
Sondai- aq, 16 aq halatty “Qazaqstan Respýblikasynyń densaýlyq saqtaý úzdigi” tós belgisimen marapattaldy, 17 dáriger “Qazaqstan Respýblikasynyń densaýlyq saqtaý isine qosqan úlesi úshin” tós belgilerin taqty. Jeti aq halatty “Eńbek ardageri” tós belgisimen marapattaldy, sonymen qatar elýge jýyq dárigerge QR Densaýlyq saqtaý ministriniń Qurmet gramotasy men Alǵys hattaryn tabys etildi.
Saltanatty jiynda Qazaqstan Respýblikasy Densaýlyq saqtaý ministri Eljan Birtanov “Meditsinalyq — sanitarlyq alǵashqy kómek jónindegi Almaty deklaratsiiasynyń 40 jyl” medalimen Túrkistan oblystyq densaýlyq saqtaý basqarmasy men Túrkistan joǵary meditsinalyq kolledji asa mártebeli marapatqa ie boldy.
Sonymen qatar Túrkistan oblysy densaýlyq saqtaý basqarmasynyń basshysynyń Qurmet gramotalary da óz ielerin tapty. Aitýly mereke aldynda elengen 200 — ge jýyq aq halattylary marapatpen qosa bir ailyq jalaqy kóleminde syiaqylaryn qosa aldy. Alǵysqa ie bolǵan dárigerler aq tilekterin bildirip, sharanyń sońy meditsina qyzmetkerlerine arnalǵan kontserpen jalǵasty.
