وبلىس مەديسيناسىنىڭ دامۋىنا زور ۇلەس قوسقان دارىگەرلەردى تۇركىستان وبلىسى دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ ماراپاتتادى.

- تاۋەلسىزدىك العان جىلداردان بەرى ەلىمىزدىڭ مەديسينا سالاسىندا ەلەۋلى وزگەرىستەر بولدى. ءبىز،تۇركىستان وبلىسىنىڭ تاريحى قالانعان شاقتىڭ كۋاسى بولدىق جانە ءوڭىردى دامىتىپ، ەلىمىزدىڭ مەديسينا سالاسىن ءوربىتۋ جولىندا بىرلەسە ەڭبەك ەتەمىز. الدىمىزدا ۇلكەن مىندەتتەر تۇر، — دەگەن تۇركىستان وبلىسى دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ تاۋەلسىزدىگىمىزدىڭ باياندى بولۋىن تىلەدى.

تۇركىستان وبلىسىنىڭ مەديسينا سالاسىنىڭ مايتالماندارىنا وبلىس اكىمىنىڭ قۇرمەت گراموتاسى مەن العىس حاتتارى، وبلىس ءماسليحاتىنىڭ گراموتالارى مەن “نۇر وتان” پارتياسىنىڭ قۇرمەت گراموتالارى تابىستالدى.

سونداي- اق، 16 اق حالاتتى “قازاقستان رەسپۋبليكاسىنىڭ دەنساۋلىق ساقتاۋ ۇزدىگى” ءتوس بەلگىسىمەن ماراپاتتالدى، 17 دارىگەر “قازاقستان رەسپۋبليكاسىنىڭ دەنساۋلىق ساقتاۋ ىسىنە قوسقان ۇلەسى ءۇشىن” ءتوس بەلگىلەرىن تاقتى. جەتى اق حالاتتى “ەڭبەك ارداگەرى” ءتوس بەلگىسىمەن ماراپاتتالدى، سونىمەن قاتار ەلۋگە جۋىق دارىگەرگە ق ر دەنساۋلىق ساقتاۋ ءمينيسترىنىڭ قۇرمەت گراموتاسى مەن العىس حاتتارىن تابىس ەتىلدى.

سالتاناتتى جيىندا قازاقستان رەسپۋبليكاسى دەنساۋلىق ساقتاۋ ءمينيسترى ەلجان ءبىرتانوۆ “مەديسينالىق — سانيتارلىق العاشقى كومەك جونىندەگى الماتى دەكلاراسياسىنىڭ 40 جىل” مەدالىمەن تۇركىستان وبلىستىق دەنساۋلىق ساقتاۋ باسقارماسى مەن تۇركىستان جوعارى مەديسينالىق كوللەدجى اسا مارتەبەلى ماراپاتقا يە بولدى.

سونىمەن قاتار تۇركىستان وبلىسى دەنساۋلىق ساقتاۋ باسقارماسىنىڭ باسشىسىنىڭ قۇرمەت گراموتالارى دا ءوز يەلەرىن تاپتى. ايتۋلى مەرەكە الدىندا ەلەنگەن 200 — گە جۋىق اق حالاتتىلارى ماراپاتپەن قوسا ءبىر ايلىق جالاقى كولەمىندە سىياقىلارىن قوسا الدى. العىسقا يە بولعان دارىگەرلەر اق تىلەكتەرىن ءبىلدىرىپ، شارانىڭ سوڭى مەديسينا قىزمەتكەرلەرىنە ارنالعان كونسەرپەن جالعاستى.