Muqaǵali murajaiy adam tanymastai ózgergen
Atqarylǵan jumys barysymen Almaty oblysy ákiminiń orynbasary Arslan Dandybaev tanysyp shyqty. Aqynnyń murajaiy 1991 jyly ashylǵan. Ǵimarat jóndeýden ótkennen keiin ishki zaldary jańardy. Jer tósenishter men jaryq berýshi shamdar tegistei jańasyna aýystyrylǵan.
Irgeles aýmaqta jasyl jelekterdi sýarýdyń jerasty zamanaýi júiesi salynǵan. Murajaidyń ainalasyndaǵy qorshaýlar boialyp, jaqyn mańdaǵy saiabaqta demalýǵa arnalǵan oryndyqtar jańartylǵan. Shatyrdy jóndeý máselesi sheshilýde.
Búgingi tańda murajaida Muqaǵali Maqataevtyń ómiri men shyǵarmashylyǵyna tikelei qatysy bar 800 jýyq zattar men qujattar bar. Olardyń qatarynda onyń jeke qoljazbalary, kiimderi, keńse zattary, jumys jihazy, turmystyq kerek-jaraqtar, kúndelikter syndy qundy jádigerler bar.
Qyrkúiek aiynda munda kóptegen saltanatty is-sharalar ótkizý josparlanǵan.
Murajai direktory Erlik Ahmetovtiń aitýynsha, bul ádebi-memorialdyq murajai biylǵy kúzde mereitoilyq saltanattardyń ortalyǵyna ainalady.
– Bizdiń mýzei aýdan ortalyǵy – Narynqol aýylynan alpys shaqyrym jerde ornalasqan jáne Uly Muqaǵalidiń altyn murasynyń biregei qoimasy bolyp tabylady. Osy jyldar ishinde ondaǵy eksponattar sany únemi ósip keledi. Búgingi óskeleń urpaqtyń, mektep oqýshylarynyń týǵan jerge degen súiispenshiligin jyrlaǵan aqynnyń ómir tarihyn bilýge umtylatyny qýantady, – dedi ol.
