Mańǵystaý oblysyna qarasty Beıneý aýdanyndaǵy Eset aýylynda turatyn Oraz Kemelhanov búrkit baptap, ań terisin ıleıdi. Bul týraly Beıneý aýdandyq mádenıet, dene shynyqtyrý jáne sport bóliminiń basshysy Yntymaq Bojanov málim etti, – dep habarlaıdy Dalanews.kz.

– Qandaýyz qaqpan quryp, tazy salýdy ákemnen úırendim. Atadan balaǵa jalǵasqan mıras ónerdiń tamyryna qan júgirtip qusbegilikti qolǵa alǵanyma 4 jyl boldy.

Alǵashqy jyldary qarshyǵa qusyn ustap, Mereke Óteǵalıuly turatyn Tushshybek aýylyna arnaıy baryp, qusbegiliktiń erejelerin úırendim. Qusbegilik – shydamdylyq pen eptilikti talap etedi. Búrkitti baptaý, ár qazaq jigitiniń qolynan keletin óner dep bilemin, – dedi qusbegi Oraz Kemelhanov.

Qazirgi ýaqytta Oraz Kemelhanov munaı salasynda jumys isteıdi. Eńbek demalysynda «Sherqala» atty qyran qusymen ańshylyqqa shyǵyp, oljalanǵan ań terisin ıleý arqyly kádege jaratyp otyr.

Oraz Kemelhanov qusbegilik ónerdi bolashaq urpaqqa jalǵastyrý maqsatynda izbasar daıyndaýdy josparlap júr.