– قانداۋىز قاقپان قۇرىپ، تازى سالۋدى اكەمنەن ۇيرەندىم. اتادان بالاعا جالعاسقان ميراس ونەردىڭ تامىرىنا قان جۇگىرتىپ قۇسبەگىلىكتى قولعا العانىما 4 جىل بولدى.
العاشقى جىلدارى قارشىعا قۇسىن ۇستاپ، مەرەكە وتەعالي ۇلى تۇراتىن تۇششىبەك اۋىلىنا ارنايى بارىپ، قۇسبەگىلىكتىڭ ەرەجەلەرىن ۇيرەندىم. قۇسبەگىلىك – شىدامدىلىق پەن ەپتىلىكتى تالاپ ەتەدى. بۇركىتتى باپتاۋ، ءار قازاق جىگىتىنىڭ قولىنان كەلەتىن ونەر دەپ بىلەمىن، – دەدى قۇسبەگى وراز كەمەلحانوۆ.
قازىرگى ۋاقىتتا وراز كەمەلحانوۆ مۇناي سالاسىندا جۇمىس ىستەيدى. ەڭبەك دەمالىسىندا «شەرقالا» اتتى قىران قۇسىمەن اڭشىلىققا شىعىپ، ولجالانعان اڭ تەرىسىن يلەۋ ارقىلى كادەگە جاراتىپ وتىر.
وراز كەمەلحانوۆ قۇسبەگىلىك ونەردى بولاشاق ۇرپاققا جالعاستىرۋ ماقساتىندا ءىزباسار دايىنداۋدى جوسپارلاپ ءجۇر.
