Bul týraly ol OKQ-da ótken baspasóz jiynynda aitty dep habarlaidy Dalanews.kz.
Elimizdegi ken oryndaryn jańa nysandarmen tolyqtyrý problemasyna muqiiat toqtalǵan vitse-ministr budan shyǵýdyń joly bar dep otyr.
"Eldegi ken qory ortaiyńqyrap qalǵany jasyryn emes, muny Qashaǵannyń esebinen tolyqtyryp otyrmyz. Syrt kózge ósim bar sekildi. Alaida bul ýaqytsha úrdis. Qashaǵan ken orny bolmaǵanda, bul kórsetkish kúrt quldyrap keter edi.
Áitkenmen máseleni sheshýdiń joly bar. Ol úshin jańa áleýetti ýchaskilerdi edel-jedel anyqtap, sonymen qatar eski ken oryndaryn da muqiiat barlaý qajet.
Geologiialyq barlaý jumystary anaý aitqandai arzan emes, bul iske jeke investorlar atsalysýy qajet.
Sebebi jańa ken ornyn ashý bir bólek, ony tolyqqandy iske qosý úshin eń kem degende 10-15 jyl ýaqyt qajet", – dedi vitse-ministr.
Onyń atap ótkenindei ekonomikasy munai salasymen tikelei bailanysty óńirlerdi zaýyttardy munaimen qamtý máselesi qazir aktýaldy. Úkimettiń túitkildiń túiinin tarqatý úshin qatarynan birneshe basqosý ótkizgen.
"Negizgi problema – paidaly qazbalardyń qory tym-tym baiaý tolyǵyp jatyr. Geologiianyń jazylmaǵan zańy bar: "Bir tonna óndirgen bolsańyz, ornyn eki-úsh tonna qormen toltyrýyńyz qajet", – deidi Birekeshov.
