Álemde munai baǵasynyń ósýi Qazaqstandaǵy benzin baǵasyna áser etpeidi, dep habarlaidy Dala News.
Energetika ministri Erlan Aqkenjenovtiń aitýynsha, Taiaý Shyǵystaǵy qaqtyǵystarǵa bailanysty munai baǵasy ósip jatqanyna qaramastan, Qazaqstanda benzin quny ózgermeidi.
«Parsy shyǵanaǵy elderi men Amerikada benzin baǵasyna bul jaǵdai áser etip jatyr. Biz de jańalyqtardan kórip otyrmyz. Al Qazaqstanda – joq», – dedi ministr Májilis kýlýarynda.
Ministrdiń sózinshe, qazirgi tańda munai naryǵy óte qubylmaly. Sońǵy ýaqytta baǵa birneshe ret ózgergen.
«Bir kezde munaidyń barreli 119 dollarǵa deiin kóterildi. Qazir shamamen 87 dollar deńgeiinde. Baǵanyń 80 dollar shamasynda qalyptasýyna alǵysharttar bar. Sebebi Parsy shyǵanaǵy elderiniń munai infraqurylymyna jasalǵan shabýyldar týraly aqparattar bar. Bul naryqtaǵy munai kóleminiń azaiýyna áser etti», – dedi ol.
Sonymen qatar ministr munai baǵasy aldaǵy ýaqytta óse me, álde tómendei me degen suraqqa naqty boljam jasamady. Onyń aitýynsha, bul Taiaý Shyǵystaǵy qaqtyǵystyń qalai órbitinine bailanysty bolady.
