ەلەمدە مۇناي باعاسىنىڭ ٶسۋٸ قازاقستانداعى بەنزين باعاسىنا ەسەر ەتپەيدٸ, دەپ حابارلايدى Dala News.
ەنەرگەتيكا مينيسترٸ ەرلان اقكەنجەنوۆتٸڭ ايتۋىنشا, تاياۋ شىعىستاعى قاقتىعىستارعا بايلانىستى مۇناي باعاسى ٶسٸپ جاتقانىنا قاراماستان, قازاقستاندا بەنزين قۇنى ٶزگەرمەيدٸ.
«پارسى شىعاناعى ەلدەرٸ مەن امەريكادا بەنزين باعاسىنا بۇل جاعداي ەسەر ەتٸپ جاتىر. بٸز دە جاڭالىقتاردان كٶرٸپ وتىرمىز. ال قازاقستاندا – جوق», – دەدٸ مينيستر مەجٸلٸس كۋلۋارىندا.
مينيستردٸڭ سٶزٸنشە, قازٸرگٸ تاڭدا مۇناي نارىعى ٶتە قۇبىلمالى. سوڭعى ۋاقىتتا باعا بٸرنەشە رەت ٶزگەرگەن.
«بٸر كەزدە مۇنايدىڭ باررەلٸ 119 دوللارعا دەيٸن كٶتەرٸلدٸ. قازٸر شامامەن 87 دوللار دەڭگەيٸندە. باعانىڭ 80 دوللار شاماسىندا قالىپتاسۋىنا العىشارتتار بار. سەبەبٸ پارسى شىعاناعى ەلدەرٸنٸڭ مۇناي ينفراقۇرىلىمىنا جاسالعان شابۋىلدار تۋرالى اقپاراتتار بار. بۇل نارىقتاعى مۇناي كٶلەمٸنٸڭ ازايۋىنا ەسەر ەتتٸ», – دەدٸ ول.
سونىمەن قاتار مينيستر مۇناي باعاسى الداعى ۋاقىتتا ٶسە مە, ەلدە تٶمەندەي مە دەگەن سۇراققا ناقتى بولجام جاسامادى. ونىڭ ايتۋىنشا, بۇل تاياۋ شىعىستاعى قاقتىعىستىڭ قالاي ٶربيتٸنٸنە بايلانىستى بولادى.
