Irannyń kóleńkeli floty AQSh pen Eýropa elderi salǵan sanktsiiany sátti ainalyp ótkenimen qoimai, sanktsiiaǵa ushyraǵan basqa elderge de qolǵabys etip kelgen. Osyny dáleldeitin sheteldik BAQ-ta kólemdi zertteý maqala jariialandy, dep jazady Dalanews.kz.
"Qatań sanktsiialar jaǵdaiynda Iran kóleńkeli flotyna súiene otyryp, óz munaiyn álemge saýdalai bilýde. AQSh energetikalyq aqparat basqarmasynyń baǵalaýy boiynsha, Tegeran munai eksportynan 2023 jyly 53 mlrd dollar jáne 2024 jyly 54 mlrd dollar tabys tapqan. Al 2024 jyly óndiris kólemi, OPEK málimetterine sáikes, 2018 jyldan bergi eń joǵary deńgeige jetti. Demek, sanktsiialar áseri bul arada kórinbeidi. Jalpy, Iran men arabtyń resmi tulǵalary qańtar aiynda Aq úige oralǵan Tramp Irannyń munai ónerkásibine taǵy da qysym jasaýǵa kirisetinin aitady" dep Reuters-ke silteme jasap Tengenomika Telegram arnasy jazady.
Óitkeni, Batystyń Iranmen iadrolyq kelisimin buzyp, 2018 jyly Iran munaiyna qarsy sanktsiialardy qaita engizgen Tramptyń naq ózi bolatyn. Demek, bul zertteý materialdyń ózi de kezdeisoqtyq emes sekildi.
Sheteldik BAQ-ta kóleńkeli flottyń jáne sanktsiialardy ainalyp ótý jaǵdaiyna "Remy" munai tankeriniń qyzmeti mysalǵa alynady, ol eki maqsatta jumys istegen. 2023 jyldyń aqpanynda Malaiziiaǵa bara jatyp, ol Panama týy astynda Iraktan 1 mln barrel bolatyn kontrabandalyq munai tasymaldaǵan. Biraq, týra osy tanker munai kontrabandasy tobyna enip, taǵy bir, iaǵni Deep Ocean degen ataýǵa ie bolǵan. Bul jaǵdaida ol Irannyń shiki munaiyn jasyryn tasyǵan. Kapitannyń qolynda Irannyń ulttyq munai kompaniiasynyń ekinshi bir sertifikaty bolǵan.
Irannyń Sahara Thunder kompaniiasy paidalanatyn flot retinde Remy Iran týy astynda Sahara Thunder, Sonia 1 jelisindegi basqa kemeden Iran munaiyn tiep alyp otyrǵan. 22 aqpanda aiaqtalǵan bul qupiia tasymaldy Eýropalyq ǵarysh agenttiginiń Sentinel-2 jerserigi tirkegen. Onyń ústine hakerler Sahara Thunder-diń 10 myńnan astam hattaryn jariia etti, olarda 2022 jyldyń naýryzynan bastap 2024 jyldyń aqpan aralyǵyn qamtityn munai saýdasy málimetteri qamtylǵan.
Hattarda kórsetilgen kezeń aralyǵynda Sahara Thunder álemniń túkpir-túkpirine shamamen 20 mln barrel munai jetkizgen, bul 2023 jylǵy ortasha naryqtyq baǵamen eseptegende shamamen 1,7 milliard dollardy quraidy. Reuters agenttigi hattar arqyly Sahara Thunder kompaniiasy paidalanatyn kemelerdiń munai tasymaldaǵanyn anyqtady: Irandaǵy Bender-Abbastan BAÁ-niń Fýdjeirasyna, odan ári Venesýelaǵa, Reseidiń soltústigindegi Mýrmansk óńirine jáne shiki munaidy jetkizýdegi sońǵy núkte bolyp tabylatyn Qytaidaǵy birqatar porttarǵa.
"Tek Irannyń ǵana emes, sonymen birge sanktsiiaǵa ushyraǵan reseilik munaidy da qamtityn bul kólemniń qozǵalysy álemdik munai naryǵy usynys jaǵynan qanyq degendi bildiredi. Bul OPEK jáne OPEK + uiymdarynyń baǵany tizgindep ustap turý sharalary tiimdiligin tómendeteri sózsiz. Ekinshi jaǵynan, batys elderi engizgen sanktsiialardyń tiimdiligi jáne olardyń oryndalýy da synǵa ushyraýda", dep jazady sarapshy Ǵalymjan Aitqazin.
Buǵan deiin saitymyzda "Qazaqstan OPEK-ten shyǵa salýy múmkin be" degen maqala jariialanǵan bolatyn.
