Múgedektigi bar balalardyń esebinen baiýdy kózdegen adam sottaldy, dep habarlaidy Dalanews.kz.
Sot úkimimen eldiń ártúrli aimaqtarynan 5 turǵyndy aldaǵan alaiaq sottaldy.
Er adam "Bizdiń balalarǵa arbalar" dep atalatyn "What's App" messendjer tobyna múmkindigi shekteýli balalarǵa arnalǵan paidalanylǵan kreslo-arbalardy satý týraly aqparat taratqan.
Jábirlenýshiler habarlandyrýǵa nazar aýdaryp, kreslo-arbalardy poshta arqyly jiberýge ýáde bergen alaiaqtyń kartasyna 40-tan 114 myń teńgege deiin aqsha aýdarǵan.
Kináni moiyndaý, shyn júrekten ókiný jáne ziiandy óteý siiaqty jeńildetetin máń-jailardy eskere otyryp sot úkimimen er adamǵa probatsiialyq baqylaý belgilep, 2 jyl bas bostandyǵyn shekteý jazasy taǵaiyndaldy.
Úkim zańdy kúshine engen joq.
