Almatydaǵy Nazarbaev ziiatkerlik mektebinen shyǵarylǵan joǵary synyp oqýshysy №8 mektep-gimnaziiaǵa qabyldandy. Bul týraly Almaty bilim basqarmasy habarlady, dep habarlaidy Dalanews.kz.
Tengrinews.kz málimetinshe, oqýshy №8 mektep-gimnaziiaǵa turǵylyqty mekenjaiy boiynsha qabyldanyp, búgin alǵashqy emtihanyn tapsyryp jatyr.
"Ol 11-synypqa qabyldandy, búgin alǵashqy emtihanyn tapsyryp jatyr. Barlyq emtihandy aiaqtaǵan soń, attestat alyp, mektepti bitiredi", – dedi basqarma ókilderi.
Keiin qoǵam belsendisi Aida Buqaeva oqýshynyń densaýlyǵy kúrt nasharlaǵanyn habarlady.
"Suńqardyń denesi tyrysyp, júikesi syr berdi, qyzýy tómendedi. 21-inen beri tamaq ishpegen. Qazir jedel járdemmen aýrýhanaǵa jetkizilip jatyr. Búginge deiin ol erteń emtihan tapsyrýǵa ruqsat beriledi dep oilaǵan edi. Biraq bolmaitynyn bilgende, jaǵdaiy nasharlap ketti", – dedi ol.
Óńirlik bala quqyqtary jónindegi ýákil Diana Erlan oqýshynyń aýrýhanaǵa jetkizilgenin rastady jáne onyń ákesimen kelissózder júrgizilgenin aitty.
Al Qazaqstannyń oqý-aǵartý ministrligi resmi málimdeme jasap, pedagogtarǵa qurmetpen qaraý mańyzdy ekenin, degenmen oqýshylarǵa qatysty adamgershilik turǵydaǵy kózqarasty ustaný qajettigin atap ótti.
Ministrlik oqýshynyń óz qateligin túsingenin de málim etti.
