الماتىداعى نازاربايەۆ زياتكەرلىك مەكتەبىنەن شىعارىلعان جوعارى سىنىپ وقۋشىسى №8 مەكتەپ-گيمنازياعا قابىلداندى. بۇل تۋرالى الماتى ءبىلىم باسقارماسى حابارلادى، دەپ حابارلايدى Dalanews.kz.
Tengrinews.kz مالىمەتىنشە، وقۋشى №8 مەكتەپ-گيمنازياعا تۇرعىلىقتى مەكەنجايى بويىنشا قابىلدانىپ، بۇگىن العاشقى ەمتيحانىن تاپسىرىپ جاتىر.
"ول 11-سىنىپقا قابىلداندى، بۇگىن العاشقى ەمتيحانىن تاپسىرىپ جاتىر. بارلىق ەمتيحاندى اياقتاعان سوڭ، اتتەستات الىپ، مەكتەپتى بىتىرەدى"، – دەدى باسقارما وكىلدەرى.
كەيىن قوعام بەلسەندىسى ايدا بۇقايەۆا وقۋشىنىڭ دەنساۋلىعى كۇرت ناشارلاعانىن حابارلادى.
"سۇڭقاردىڭ دەنەسى تىرىسىپ، جۇيكەسى سىر بەردى، قىزۋى تومەندەدى. 21-ىنەن بەرى تاماق ىشپەگەن. ءقازىر جەدەل جاردەممەن اۋرۋحاناعا جەتكىزىلىپ جاتىر. بۇگىنگە دەيىن ول ەرتەڭ ەمتيحان تاپسىرۋعا رۇقسات بەرىلەدى دەپ ويلاعان ەدى. ءبىراق بولمايتىنىن بىلگەندە، جاعدايى ناشارلاپ كەتتى"، – دەدى ول.
وڭىرلىك بالا قۇقىقتارى جونىندەگى ۋاكىل ديانا ەرلان وقۋشىنىڭ اۋرۋحاناعا جەتكىزىلگەنىن راستادى جانە ونىڭ اكەسىمەن كەلىسسوزدەر جۇرگىزىلگەنىن ايتتى.
ال قازاقستاننىڭ وقۋ-اعارتۋ مينيسترلىگى رەسمي مالىمدەمە جاساپ، پەداگوگتارعا قۇرمەتپەن قاراۋ ماڭىزدى ەكەنىن، دەگەنمەن وقۋشىلارعا قاتىستى ادامگەرشىلىك تۇرعىداعى كوزقاراستى ۇستانۋ قاجەتتىگىن اتاپ ءوتتى.
مينيسترلىك وقۋشىنىڭ ءوز قاتەلىگىن تۇسىنگەنىن دە ءمالىم ەتتى.
