- Onysy ótirik. Ol baspaldaqtyń ustaityn aǵashyna bailanǵan aq jippen moiny oralǵan kúiinde tabylǵan. Alǵashqy tekserý kezinde jaraqat, kógerý, dene jaraqat bolǵan joq, aiaq-qoldary da bailanbaǵan. Muny oqiǵa ornynan alynǵan fotosýretter men videolar rastaidy, - dedi Smadiiarov.
Jalpy, onyń aqparaty boiynsha, 13 jeltoqsanda saǵat 11.15 shamasynda Mysyrdaǵy Qazaqstan elshiliginiń ekinshi hatshysynyń jubaiy Elaman Joldasovtyń óli denesin baspaldaqtyń aldynda jatqan jerinen tapqan, ol eń birinshi elshilikke habarlasqan.
- Qaiǵyly oqiǵa ornyna 5-7 minýt ishinde jetken diplomattar mundai jaǵdailarda qajettti barlyq sharalardy júzege asyrǵan. Oqiǵa ornyna politsiia toby, jedel járdem, prokýratýra jáne Egipettiń kriminaldy politsiia toby shaqyryldy, dep habarlady resmi ókil.
Ol 15 jeltoqsanda Qazaqstan Respýblikasy Syrtqy ister ministrliginiń ókilderi jeke ishki tergeý júrgizý úshin Kairge kelgenin atap ótti.
- Qazirgi ýaqytta Mysyr prokýratýrasy bul istiń mán-jaiyn tekserýde. Tergeý aiasynda múrdege sot-meditsinalyq saraptama júrgizildi. Saraptama nátijeleri jaqyn arada qazaqstandyq tarapqa jetkiziledi. Sonymen qatar, QR Syrtqy ister ministrligi marqum elshiniń denesin otanyna jetkizgennen keiin Qazaqstanda qosymsha sot-meditsinalyq saraptama júrgizýdi bastaidy, - dep túsindirdi Smadiiarov.
Baspasóz máslihatynda marqum elshi jaýapkershiligi mol, syily adam retinde sipattaldy, óz salasynyń kásipqoi jáne keremet arabist ekendigi aityldy.
- Ol jii suhbat berip, Mysyr aqparat quraldarynda keńinen tanymal bolǵan. 2013 jyldan bastap SIM júiesinde jumys isteidi. 2017 jyldyń mamyr aiynan bastap Egipettegi Qazaqstan Respýblikasynyń elshiliginiń mádeni-gýmanitarlyq máseleler jónindegi ekinshi hatshysy boldy. Basshylyq pen áriptester tarapynan shaǵymdar bolǵan emes. Biz osyndai adamdy joǵaltqanymyz úshin óte ókinemiz, - dep sózin qorytyndylady Aibek Smadiiarov.
