- ونىسى وتىرىك. ول باسپالداقتىڭ ۇستايتىن اعاشىنا بايلانعان اق جىپپەن موينى ورالعان كۇيىندە تابىلعان. العاشقى تەكسەرۋ كەزىندە جاراقات، كوگەرۋ، دەنە جاراقات بولعان جوق، اياق-قولدارى دا بايلانباعان. مۇنى وقيعا ورنىنان الىنعان فوتوسۋرەتتەر مەن ۆيدەولار راستايدى، - دەدى سمادياروۆ.
جالپى، ونىڭ اقپاراتى بويىنشا، 13 جەلتوقساندا ساعات 11.15 شاماسىندا مىسىرداعى قازاقستان ەلشىلىگىنىڭ ەكىنشى حاتشىسىنىڭ جۇبايى ەلامان جولداسوۆتىڭ ءولى دەنەسىن باسپالداقتىڭ الدىندا جاتقان جەرىنەن تاپقان، ول ەڭ ءبىرىنشى ەلشىلىككە حابارلاسقان.
- قايعىلى وقيعا ورنىنا 5-7 مينۋت ىشىندە جەتكەن ديپلوماتتار مۇنداي جاعدايلاردا قاجەتتتى بارلىق شارالاردى جۇزەگە اسىرعان. وقيعا ورنىنا پوليسيا توبى، جەدەل جاردەم، پروكۋراتۋرا جانە ەگيپەتتىڭ كريمينالدى پوليسيا توبى شاقىرىلدى، دەپ حابارلادى رەسمي وكىل.
ول 15 جەلتوقساندا قازاقستان رەسپۋبليكاسى سىرتقى ىستەر مينيسترلىگىنىڭ وكىلدەرى جەكە ىشكى تەرگەۋ جۇرگىزۋ ءۇشىن كايرگە كەلگەنىن اتاپ ءوتتى.
- قازىرگى ۋاقىتتا مىسىر پروكۋراتۋراسى بۇل ءىستىڭ ءمان-جايىن تەكسەرۋدە. تەرگەۋ اياسىندا مۇردەگە سوت-مەديسينالىق ساراپتاما جۇرگىزىلدى. ساراپتاما ناتيجەلەرى جاقىن ارادا قازاقستاندىق تاراپقا جەتكىزىلەدى. سونىمەن قاتار، ق ر سىرتقى ىستەر مينيسترلىگى مارقۇم ەلشىنىڭ دەنەسىن وتانىنا جەتكىزگەننەن كەيىن قازاقستاندا قوسىمشا سوت-مەديسينالىق ساراپتاما جۇرگىزۋدى باستايدى، - دەپ ءتۇسىندىردى سمادياروۆ.
باسپا ءسوز ءماسليحاتىندا مارقۇم ەلشى جاۋاپكەرشىلىگى مول، سىيلى ادام رەتىندە سيپاتتالدى، ءوز سالاسىنىڭ كاسىپقوي جانە كەرەمەت ارابيست ەكەندىگى ايتىلدى.
- ول ءجيى سۇحبات بەرىپ، مىسىر اقپارات قۇرالدارىندا كەڭىنەن تانىمال بولعان. 2013 جىلدان باستاپ ءسىم جۇيەسىندە جۇمىس ىستەيدى. 2017 جىلدىڭ مامىر ايىنان باستاپ ەگيپەتتەگى قازاقستان رەسپۋبليكاسىنىڭ ەلشىلىگىنىڭ مادەني-گۋمانيتارلىق ماسەلەلەر جونىندەگى ەكىنشى حاتشىسى بولدى. باسشىلىق پەن ارىپتەستەر تاراپىنان شاعىمدار بولعان ەمەس. ءبىز وسىنداي ادامدى جوعالتقانىمىز ءۇشىن وتە وكىنەمىز، - دەپ ءسوزىن قورىتىندىلادى ايبەك سمادياروۆ.
