Keiingi kezde elde qoi eti qymbattap ketti. Saýda jáne integratsiia ministri buǵan ne sebep ekenin túsindirdi. Arman Shaqqalievtiń aitýynsha, et qymbattaýyna maýsymdyq suranys artýy, iaǵni Qurban ait merekesi men túrli toi-dýman, banketter kóbeiýi áser etken, dep habarlaidy dalanews.kz "Jetinshi arnaǵa" siltep.
Alaida ministr bul jaǵdai ýaqytsha qubylys ekenin jetkizdi. Óitkeni azyq-túlik baǵasy tek suranysqa emes, naryqtaǵy jaǵdaiǵa da tikelei bailanysty. Máselen, siyr etiniń baǵasy boiynsha Qazaqstan álemde baǵa tómen elder qatarynda qalyp otyr. Jaýapty ministrlik pen Ulttyq bank infliatsiiany tejeý baǵytyndaǵy keshendi jumysty jalǵastyryp jatyr.
"Naryqta qoi etin almastyra alatyn ónimder jetkilikti. Olar - siyr eti, jylqy jáne qus eti. Baǵa eshqashan bir orynda turmaidy, oǵan maýsymdyq faktorlar áser etedi. Naryqta suranys pen usynys teń bolǵan kezde ǵana baǵa turaqtalady. Et ónimderiniń 80 paiyzdan astamy elimizde óndiriledi. Sondyqtan bizdiń basty mindetimiz ó halyq kóp tutynatyn áleýmettik mańyzy bar taýarlardyń qunyn baqylaýda ustap, qymbatshylyqqa jol bermeý", - dedi ministr.
