IIM esirtki qylmysyna qarsy kúresti úzdiksiz júrgizip jatyr, dep habarlaidy Dalanews.kz.
Jyl basynan beri el aýmaǵynda jedel izdestirý is-sharalary júrgizilgen. Nátijesinde jyl basynan beri iri esirtki zerthanasy joiylǵan, 2 uiymdasqan qylmystyq top áshkere bolǵan. Sondai-aq, esirtki quraldaryn ótkizýge qatysty 81 derek toqtatyldy.
"Qabyldanǵan sharalar nátijesinde zańsyz ainalymnan 323 keli esirtki, onyń ishinde 155 keli sintetikalyq esirtki tárkilendi, bul shamamen 465 myń bir rettik doza taralýyna jol bermedi", - dedi IIM ókili.
- Elordada Vengriia azamaty ustalǵan, odan salmaǵy 1,5 keli bolatyn kannabis jáne sintetikalyq toptaǵy esirtkiniń túrleri tárkilengen.
- Shyǵys Qazaqstan oblysynda esirtki ótkizý áreketi toqtatylǵan, jalpy salmaǵy 413 gramm a-PVP psihotrop zaty tárkilengen.
- Jambyl oblysynda esirtki satqany úshin Taldyqorǵan qalasynyń turǵyny ustaldy, odan 44 keli marihýana tárkilendi.
- Almaty oblysynyń turǵyny salmaǵy 960 gramm sintetikalyq esirtkimen ustaldy.
- Batys Qazaqstan oblysynda psihotrop zattardy ótkizý áreketi toqtatyldy, jalpy salmaǵy 300 gramm α-PVP sintetikalyq esirtkisi tárkilendi.
Barlyq aiyptalýshy ýaqytsha ustaý izoliatorlaryna qamalǵan.
