Qadir túni - musylmandar úshin eń qasietti túnderdiń biri. Islamda bul tún myń aidan da qaiyrly sanalady. Sondyqtan ony qulshylyqpen ótkizýge tyrysady, dep habarlaidy Dalanews.kz.
Qadir túni Ramazan aiynyń sońǵy on kúnindegi taq túnderdiń birinde keledi. Dástúrli túsinik boiynsha ol 27-túnge sáikes keledi. QMDB málimetinshe, biyl 17 naýryzǵa qaraǵan tún - qasietti Qadir túni.
Qadir túninde ne isteý kerek?
- Namaz oqý: Bul túni musylmandar nápil namazdaryn kóbirek oqýǵa tyrysady. Qosymsha qulshylyq adamnyń rýhani turǵydan tazarýyna jol ashady.
- Quran oqý: Qadir túninde Quran oqyp, onyń maǵynasyna úńilý erekshe saýap sanalady. Kópshilik osy túni qasietti kitaptan birneshe súre oqýdy ádetke ainaldyrǵan.
- Duǵa jasaý: Bul túnde jasalǵan duǵa qabyl bolady degen senim bar. Sondyqtan adamdar ózine, otbasyna, jaqyndaryna jaqsylyq tilep, Alladan keshirim suraidy.
- Keshirim suraý: Qadir túni - ótken qateler úshin táýbe etetin ýaqyt. Musylmandar Alladan keshirim surap, júrekti renish pen ókpeden aryltýǵa tyrysady.
- Jaqsylyq jasaý: Muqtaj jandarǵa kómektesý, sadaqa berý de osy túnde erekshe saýapty is sanalady. Qaiyrymdylyq jasaý - Qadir túniniń rýhyna sai amaldardyń biri.
Qadir túniniń máni
Islam dástúrinde bul túnde adam balasynyń bir jyldaǵy taǵdyry belgilenedi degen túsinik bar. Sondyqtan múminder barynsha qulshylyq jasap, júregin tazartýǵa, jaqsylyq tileýge kóńil bóledi.
Qadir túni - tek qulshylyq emes, adamnyń ishki dúniesin jańartýǵa, nietin túzep, jańa úmitpen alǵa qadam jasaýǵa múmkindik beretin erekshe ýaqyt.
Qadir túninde eń kóp oqylatyn duǵalardyń biri:
"Ýa, Alla! Sen asa keshirimdisiń, keshirýdi jaqsy kóresiń. Sondyqtan meni keshire gór".
Qadir túninde duǵany óz sózińmen de jasaýǵa bolady: Alladan keshirim, densaýlyq, bereke, otbasy amandyǵyn, rizyq, iman suraý - eń abzal amaldardyń biri.
