قادٸر تٷنٸ - مۇسىلماندار ٷشٸن ەڭ قاسيەتتٸ تٷندەردٸڭ بٸرٸ. يسلامدا بۇل تٷن مىڭ ايدان دا قايىرلى سانالادى. سوندىقتان ونى قۇلشىلىقپەن ٶتكٸزۋگە تىرىسادى, دەپ حابارلايدى Dalanews.kz.
قادٸر تٷنٸ رامازان ايىنىڭ سوڭعى ون كٷنٸندەگٸ تاق تٷندەردٸڭ بٸرٸندە كەلەدٸ. دەستٷرلٸ تٷسٸنٸك بويىنشا ول 27-تٷنگە سەيكەس كەلەدٸ. قمدب مەلٸمەتٸنشە, بيىل 17 ناۋرىزعا قاراعان تٷن - قاسيەتتٸ قادٸر تٷنٸ.
قادٸر تٷنٸندە نە ٸستەۋ كەرەك?
- ناماز وقۋ: بۇل تٷنٸ مۇسىلماندار نەپٸل نامازدارىن كٶبٸرەك وقۋعا تىرىسادى. قوسىمشا قۇلشىلىق ادامنىڭ رۋحاني تۇرعىدان تازارۋىنا جول اشادى.
- قۇران وقۋ: قادٸر تٷنٸندە قۇران وقىپ, ونىڭ ماعىناسىنا ٷڭٸلۋ ەرەكشە ساۋاپ سانالادى. كٶپشٸلٸك وسى تٷنٸ قاسيەتتٸ كٸتاپتان بٸرنەشە سٷرە وقۋدى ەدەتكە اينالدىرعان.
- دۇعا جاساۋ: بۇل تٷندە جاسالعان دۇعا قابىل بولادى دەگەن سەنٸم بار. سوندىقتان ادامدار ٶزٸنە, وتباسىنا, جاقىندارىنا جاقسىلىق تٸلەپ, اللادان كەشٸرٸم سۇرايدى.
- كەشٸرٸم سۇراۋ: قادٸر تٷنٸ - ٶتكەن قاتەلەر ٷشٸن تەۋبە ەتەتٸن ۋاقىت. مۇسىلماندار اللادان كەشٸرٸم سۇراپ, جٷرەكتٸ رەنٸش پەن ٶكپەدەن ارىلتۋعا تىرىسادى.
- جاقسىلىق جاساۋ: مۇقتاج جاندارعا كٶمەكتەسۋ, ساداقا بەرۋ دە وسى تٷندە ەرەكشە ساۋاپتى ٸس سانالادى. قايىرىمدىلىق جاساۋ - قادٸر تٷنٸنٸڭ رۋحىنا ساي امالداردىڭ بٸرٸ.
قادٸر تٷنٸنٸڭ مەنٸ
يسلام دەستٷرٸندە بۇل تٷندە ادام بالاسىنىڭ بٸر جىلداعى تاعدىرى بەلگٸلەنەدٸ دەگەن تٷسٸنٸك بار. سوندىقتان مٷمٸندەر بارىنشا قۇلشىلىق جاساپ, جٷرەگٸن تازارتۋعا, جاقسىلىق تٸلەۋگە كٶڭٸل بٶلەدٸ.
قادٸر تٷنٸ - تەك قۇلشىلىق ەمەس, ادامنىڭ ٸشكٸ دٷنيەسٸن جاڭارتۋعا, نيەتٸن تٷزەپ, جاڭا ٷمٸتپەن العا قادام جاساۋعا مٷمكٸندٸك بەرەتٸن ەرەكشە ۋاقىت.
قادٸر تٷنٸندە ەڭ كٶپ وقىلاتىن دۇعالاردىڭ بٸرٸ:
"ۋا, اللا! سەن اسا كەشٸرٸمدٸسٸڭ, كەشٸرۋدٸ جاقسى كٶرەسٸڭ. سوندىقتان مەنٸ كەشٸرە گٶر".
قادٸر تٷنٸندە دۇعانى ٶز سٶزٸڭمەن دە جاساۋعا بولادى: اللادان كەشٸرٸم, دەنساۋلىق, بەرەكە, وتباسى اماندىعىن, ريزىق, يمان سۇراۋ - ەڭ ابزال امالداردىڭ بٸرٸ.
