"Avtorlardyń quqyǵyn qorǵaýǵa kóshken Meirambek Bespaev avtoritetti tulǵalarmen kúresýdi jón kórgen sekildi.
Kúni keshe laýazymdy qyzmetke taǵaiyndalǵan Meirambek Bespaev burynǵy basshynyń tanystary jan-jaqtan qysym kórsetip jatqanyn jelide jazdy.
3 mln oqyrmany bar ánshiniń jazbasy qyzý talqyǵa túsip, eldi eleń etkizdi. Sebebi ánshi halyq qalaýlysy ózine qoqan-loqy kórsetti dep aiyptap otyr. Onyń aitýynsha, depýtat quzyrly oryndarǵa telefon shalyp, uiymnyń ózge de múshelerine qysym kórsetken.
Óz kezeginde halyq qalaýlysy shyǵarmashylyq odaqqa esh qatysy joq ekenin aityp, ózine jala jabylǵanyn málimdedi. Depýtatpen júzdeskenimizde muny ózine taǵylǵan jala dep, biraq resmi túrde suqbat berýden bas tartty. Al Meirambek Bespaev telefonymyzǵa aýyzsha jazba jazyp jiberipti", - deidi telearna tilshisi.
Meirambek Bespaev:
- Men, negizi mádenietti túrde sóilesip, máseleni jaimen sheshýge tyrysqanmyn. Biraq ol: "Vy, kto takie" dep anaý-mynaý degen sipatta neshe túrli áńgime aitty.
Adam qurly kórmei, malǵa uqsatty. 11 jyl boiyna kelip bir amandasýǵa jaramaǵan, biz arqyly aqsha taýyp júrgen adamnan qaibir jaqsylyq kútýge bolady. Sondyqtan da ashýlanyp, ol jazbany jelide jariialadym. Qoldaý bildirip otyrǵan artymda halqym bar. Eger sotqa beretin bolsa, men odan saiyn shýlatamyn.
Zaǵipa Balieva óziniń de, balasynyń da bul odaqqa esh qatysy joq, sondyqtan bul jala dep otyr. Depýtattyń uly da elge tanymal ánshini tanymaitynyn, onymen múlde sóilespegenin aitty.
Daniiar Baliev:
- Birinshiden, men ony múlde tanymaimyn, eshqashan onymen kezdesip, sóilesken emespin. Búgingi jaǵdaidan soń onymen sóilesip kórýge tyrystym. Jazba jaily suraqtarym boldym. Biraq kúni boiy telefonyna habarlasyp, ony ala almai otyrmyn.
"Eki kún buryn 10 jyl buryn qurylǵan Ziiatkerlik menshik quqyǵyn qorǵaityn birlestikte ánshiler jarytyp qalamaqy almaǵandaryn aityp, shý shyǵarǵan.
"Bar aqshany qaltasyna basqan" dep birlestiktiń burynǵy basshysyn ornynan alyp tastap, jańa jetekshini sailaǵan edi olar. Barlyq zańdylyq saqtalyp, jańa direktordyń jumysyna kirisýi týraly buiryq ta shyǵarylyp qoiypty. Alaida burynǵy basshy ornyn ońaishylyqpen beretin túri kórinbeidi", - deidi telearna tilshisi.
