"اۆتورلاردىڭ قۇقىعىن قورعاۋعا كوشكەن مەيرامبەك بەسپايەۆ اۆتوريتەتتى تۇلعالارمەن كۇرەسۋدى ءجون كورگەن سەكىلدى.
كۇنى كەشە لاۋازىمدى قىزمەتكە تاعايىندالعان مەيرامبەك بەسپايەۆ بۇرىنعى باسشىنىڭ تانىستارى جان-جاقتان قىسىم كورسەتىپ جاتقانىن جەلىدە جازدى.
3 ملن وقىرمانى بار ءانشىنىڭ جازباسى قىزۋ تالقىعا ءتۇسىپ، ەلدى ەلەڭ ەتكىزدى. سەبەبى ءانشى حالىق قالاۋلىسى وزىنە قوقان-لوقى كورسەتتى دەپ ايىپتاپ وتىر. ونىڭ ايتۋىنشا، دەپۋتات قۇزىرلى ورىندارعا تەلەفون شالىپ، ۇيىمنىڭ وزگە دە مۇشەلەرىنە قىسىم كورسەتكەن.
ءوز كەزەگىندە حالىق قالاۋلىسى شىعارماشىلىق وداققا ەش قاتىسى جوق ەكەنىن ايتىپ، وزىنە جالا جابىلعانىن مالىمدەدى. دەپۋتاتپەن جۇزدەسكەنىمىزدە مۇنى وزىنە تاعىلعان جالا دەپ، ءبىراق رەسمي تۇردە سۇقبات بەرۋدەن باس تارتتى. ال مەيرامبەك بەسپايەۆ تەلەفونىمىزعا اۋىزشا جازبا جازىپ جىبەرىپتى"، - دەيدى تەلەارنا ءتىلشىسى.
مەيرامبەك بەسپايەۆ:
- مەن، نەگىزى مادەنيەتتى تۇردە سويلەسىپ، ماسەلەنى جايمەن شەشۋگە تىرىسقانمىن. ءبىراق ول: "ۆى، كتو تاكيە" دەپ اناۋ-مىناۋ دەگەن سيپاتتا نەشە ءتۇرلى اڭگىمە ايتتى.
ادام قۇرلى كورمەي، مالعا ۇقساتتى. 11 جىل بويىنا كەلىپ ءبىر امانداسۋعا جاراماعان، ءبىز ارقىلى اقشا تاۋىپ جۇرگەن ادامنان ءقايبىر جاقسىلىق كۇتۋگە بولادى. سوندىقتان دا اشۋلانىپ، ول جازبانى جەلىدە جاريالادىم. قولداۋ ءبىلدىرىپ وتىرعان ارتىمدا حالقىم بار. ەگەر سوتقا بەرەتىن بولسا، مەن ودان سايىن شۋلاتامىن.
زاعيپا بالييەۆا ءوزىنىڭ دە، بالاسىنىڭ دا بۇل وداققا ەش قاتىسى جوق، سوندىقتان بۇل جالا دەپ وتىر. دەپۋتاتتىڭ ۇلى دا ەلگە تانىمال ءانشىنى تانىمايتىنىن، ونىمەن مۇلدە سويلەسپەگەنىن ايتتى.
دانيار بالييەۆ:
- بىرىنشىدەن، مەن ونى مۇلدە تانىمايمىن، ەشقاشان ونىمەن كەزدەسىپ، سويلەسكەن ەمەسپىن. بۇگىنگى جاعدايدان سوڭ ونىمەن سويلەسىپ كورۋگە تىرىستىم. جازبا جايلى سۇراقتارىم بولدىم. ءبىراق كۇنى بويى تەلەفونىنا حابارلاسىپ، ونى الا الماي وتىرمىن.
"ەكى كۇن بۇرىن 10 جىل بۇرىن قۇرىلعان زياتكەرلىك مەنشىك قۇقىعىن قورعايتىن بىرلەستىكتە انشىلەر جارىتىپ قالاماقى الماعاندارىن ايتىپ، شۋ شىعارعان.
"بار اقشانى قالتاسىنا باسقان" دەپ بىرلەستىكتىڭ بۇرىنعى باسشىسىن ورنىنان الىپ تاستاپ، جاڭا جەتەكشىنى سايلاعان ەدى ولار. بارلىق زاڭدىلىق ساقتالىپ، جاڭا ديرەكتوردىڭ جۇمىسىنا كىرىسۋى تۋرالى بۇيرىق تا شىعارىلىپ قويىپتى. الايدا بۇرىنعى باسشى ورنىن وڭايشىلىقپەن بەرەتىن ءتۇرى كورىنبەيدى"، - دەيدى تەلەارنا ءتىلشىسى.
