Almatyda áleýmettik nysandardyń qurylysy men merzimine baqylaý kúsheitiledi, - dep habarlaidy Dalanews.kz.
Almaty ákimi Darhan Satybaldy jumys sapary barysynda Áýezov aýdanyndaǵy áleýmettik nysandardyń qurylys jáne qaita jańǵyrtý barysyn teksergen.
Biyl shildede №2 Almaty memlekettik pedagogikalyq kolledjiniń ǵimaratyna qosalqy ǵimarat salý aiaqtalýǵa tiis edi. Alaida, ákimdik málimetinshe, "Golden City DS" JShS shartta belgilengen merzimge úlgermegen. Osyǵan bailanysty Qurylys basqarmasy sotqa talap aryz berip, mindetine salǵyrt qaraǵan merdiger retinde qatysýshylar qatarynan shyǵarý jáne aiyppul óndirý máselesin kótergen.
Almaty ákimi merzimdi buzǵan merdigerler qala jobalaryna qatyspaitynyn, al jekelegen jaǵdaida quqyq qorǵaý organdary arqyly jaýapkershilikke tartylatynyn atap ótti.
"Kompaniia bul nysandy tolyq aiaqtamaiynsha, jańa tenderlerge qatyspaidy. Qala qurylysy baqylaý basqarmasy máslihat depýtattarymen birge jumystardyń sapasy men qarqynyn baqylaýǵa tiis. Eger zańbuzýshylyq anyqtalsa, kompaniiany litsenziiasynan aiyrý qajet. Sizder nysandy qarashanyń sońyna deiin tapsyramyz dep ýáde berdińizder, biz apta saiyn tekserip otyramyz", – dedi Darhan Satybaldy.
