Otbasy kúni qarsańynda Óskemendegi úzdikter – Izǵuttynovtar otbasy marapattaldy.
Áýlettiń otaǵasy Baýyrjan Sansyzbaiuly jary Raýshan Tólegenqyzymen birge tórt bala tárbielep otyr. Olar baiqaý komissiiasyn óz filosofiiasymen tánti etti.
Balalardy oqytýda Izǵuttynovtar «balany emes, ózińdi tárbiele» degen basty qaǵidany basshylyqqa alady. Bul tásil otbasynda urpaqtan-urpaqqa jalǵasyp keledi. Izǵuttynovtar januiasy balalarynyń tórteýi de oqýda tabysty ári jańa bilim alýǵa shynaiy qyzyǵýshylyq tanytady. Balalardyń úlkenderi Nazarbaev Ziiatkerlik mektebiniń oqýshylary, ekeýi de úzdikter qatarynda.
Otbasy ulttyq dástúrlerdi de belsendi túrde ustanady. Izǵuttynovtar áýletiniń aǵa býyn ókilderi qazaq halqynyń salt-dástúrin, mádenietin, sondai-aq ana tilin balalarǵa jetkizýdi paryz sanaidy. Ulttyq qundylyqtardy ustaný balalardyń shyǵarmashylyqqa degen súiispenshiligin jáne emotsionaldyq intellektin damytýǵa kómektesedi.
Úlken qyzy fortepiano men gitara, al uly dombyra tartsa, kishileri sýret salýmen jáne bimen ainalysady. Izǵuttynovtar otbasynyń úlkenderiniń barlyǵy ulttyq mýzykalyq aspaptardy jaqsy kóredi, al mereke kúnderi úlken otbasy úide kontsertter ótkizip otyrady.
Balalardyń ata-anasynyń ekeýi de jumys isteitindigine – ákeleri «Kaztsinktiń» Óskemen metallýrgiialyq kesheninde, al analary mektepte qazaq tili muǵalimi bolyp eńbek etetinine qaramastan, olar balalardyń árqaisysyna ýaqyt bóle biledi. Izǵuttynovtar otbasynyń tórt balanyń árqaisysyna jeke ýaqyt arnaityn myzǵymas dástúri bar.
