Aqjaiyq óńirinde dástúrge ainalǵan «Mereili otbasy – 2025» ulttyq konkýrsynyń oblystyq kezeńiniń laýreattaryn saltanatty marapattaý rásimi ótti,- dep habarlaidy Dalanews.kz
Atalǵan shara biyl Qazaqstan Respýblikasy Konstitýtsiiasynyń 30 jyldyǵy men Jumysshy mamandyqtar jyly aiasynda uiymdastyryldy.
Oblys boiynsha baiqaýǵa 100-den astam ótinim túsken. Irikteý nátijesinde Oral qalasy men 12 aýdannan 21 otbasy oblystyq kezeńge joldama alyp, ónegeli dástúr men berekeli shańyraqtyń úlgisin kórsetti.
Batys Qazaqstan oblysy ákiminiń orynbasary Qaiyrjan Meńdiǵaliev baiqaý qatysýshylaryn quttyqtap, otbasy qundylyqtaryn dáripteýdiń qoǵam úshin mańyzy zor ekenin atap ótti.
Qaiyrjan Ermekuly óz sózinde Memleket basshysynyń «Árbir adam úshin ushqan uiasynyń orny bólek. Óskeleń urpaqtyń otbasynda tálim-tárbie alyp, ulttyq qundylyqtardy boiyna sińirýi óte mańyzdy» degen sózin tilge tiek etip, «Mereili otbasy» ulttyq konkýrsynyń óskeleń urpaqty tárbieleýde jáne otbasylyq qundylyqtardy nyǵaitýda mańyzy erekshe ekendigine toqtaldy.
Konkýrs qorytyndysynda úzdik tanylǵan otbasylar oblys ákiminiń atynan marapattalyp, respýblikalyq kezeńge joldama aldy.
