Mereke kezinde Nur-Sultanda tegin ekskýrsiia uiymdastyryldy
Qalada serýen quryp, elordanyń kórikti jerlerin kózaiym bolǵysy kelgen jurtqa «Red Bus» eki qabatty ekskýrsiialyq avtobýstary qyzmet kórsetetin bolady. Sý jańa qoǵamdyq kólikter qalanyń kórikti oryndaryn aralyp, jurtshylyqtyń mekerelik demalysyn qyzyqty ótkizýi úshin jumys isteitin bolady. Kólikke birneshe ret minip, túsýge múmkindik beriletinin de aita ketýimiz kerek.
Ekskýrsiia «AiLand» (okeanariým) kóńil-kóterý ortalyǵynan jáne «Astana-Báiterek» monýmentinen bastalady. Ekskýrsiia avtobýs ishindegi dybys kúsheitkishter arqyly qazaq jáne orys tilderindegi aýdiogidter kómegi arqyly qalanyń ásem ǵimarattary jaiynda jan-jaqty aqparat alýǵa bolady.
Bir serýende aýdiogidter qazaq tilinde aqparat taratsa, ekinshi serýende orys tilinde mol aqparatqa qanyǵýǵa bolady. Al ekskýrsiiany belgili bir tilde ǵana tyńdaǵysy kelýshiler ózderimen birge qulaqqap ala shyǵýy tiis. Óitkeni merekelik tegin serýen kezinde qulaqqaptar berilmeidi.
