Pavlodar "Qazaqstan temir joly" ulttyq kompaniiasynyń filialynda basshylyq qyzmet atqarǵan eki laýazymdy tulǵa 7 jylǵa sottaldy. Sot málimetinshe, olar merdiger uiymnan júieli túrde para talap etken, dep habarlaidy Dalanews.kz.
Irbis.tv usynǵan aqparatqa sáikes, qylmystyq is Pavlodar qalasynyń qylmystyq ister jónindegi aýdanaralyq sotynda qaraldy. Sot sheshimine sáikes, aiyptalýshylardyń árqaisysy 7 jyl merzimge bas bostandyǵynan aiyrylyp, ómir boiyna memlekettik qyzmet pen kvazimemlekettik sektorda laýazym atqarý quqyǵynan aiyryldy.
Tergeý materialdaryna sáikes, magistraldyq jeli boiynsha Pavlodar bólimshesiniń basshysy men QTJ-nyń distantsiia jetekshisi 2025 jyldyń aqpan–sáýir ailary aralyǵynda Aqsý-1 stansasynda júrgizilgen elektrmontaj jumystary úshin merdiger kompaniiadan aqsha bopsalaǵan. Olar oryndalǵan jumystar aktilerine kedergisiz qol qoiýǵa jáne qyzmetterdi qabyldaýǵa yqpal etýdi ýáde etken.
Zańsyz alynǵan qarajattyń jalpy somasy 2,7 million teńgeni quraǵan. Sot barysynda aiyptalýshylardyń kinási qylmystyq is materialdarymen, jasyryn tergeý áreketteriniń nátijelerimen jáne kýágerlerdiń kórsetýlerimen tolyq dáleldendi.
Sonymen qatar sot magistraldyq jeli boiynsha Pavlodar bólimshesiniń basshysyna qatysty 2021 jyly baǵynyshty qyzmetkerinen quny 57 myń teńge bolatyn keńse oryndyǵyn alǵan derekti de nazarǵa aldy.
Aiyptaý úkimi ázirge zańdy kúshine engen joq jáne apelliatsiialyq tártippen shaǵymdanýǵa jatady.
