پاۆلودار "قازاقستان تەمٸر جولى" ۇلتتىق كومپانيياسىنىڭ فيليالىندا باسشىلىق قىزمەت اتقارعان ەكٸ لاۋازىمدى تۇلعا 7 جىلعا سوتتالدى. سوت مەلٸمەتٸنشە, ولار مەردٸگەر ۇيىمنان جٷيەلٸ تٷردە پارا تالاپ ەتكەن, دەپ حابارلايدى Dalanews.kz.
Irbis.tv ۇسىنعان اقپاراتقا سەيكەس, قىلمىستىق ٸس پاۆلودار قالاسىنىڭ قىلمىستىق ٸستەر جٶنٸندەگٸ اۋدانارالىق سوتىندا قارالدى. سوت شەشٸمٸنە سەيكەس, ايىپتالۋشىلاردىڭ ەرقايسىسى 7 جىل مەرزٸمگە باس بوستاندىعىنان ايىرىلىپ, ٶمٸر بويىنا مەملەكەتتٸك قىزمەت پەن كۆازيمەملەكەتتٸك سەكتوردا لاۋازىم اتقارۋ قۇقىعىنان ايىرىلدى.
تەرگەۋ ماتەريالدارىنا سەيكەس, ماگيسترالدىق جەلٸ بويىنشا پاۆلودار بٶلٸمشەسٸنٸڭ باسشىسى مەن قتج-نىڭ ديستانتسييا جەتەكشٸسٸ 2025 جىلدىڭ اقپان–سەۋٸر ايلارى ارالىعىندا اقسۋ-1 ستانساسىندا جٷرگٸزٸلگەن ەلەكترمونتاج جۇمىستارى ٷشٸن مەردٸگەر كومپانييادان اقشا بوپسالاعان. ولار ورىندالعان جۇمىستار اكتٸلەرٸنە كەدەرگٸسٸز قول قويۋعا جەنە قىزمەتتەردٸ قابىلداۋعا ىقپال ەتۋدٸ ۋەدە ەتكەن.
زاڭسىز الىنعان قاراجاتتىڭ جالپى سوماسى 2,7 ميلليون تەڭگەنٸ قۇراعان. سوت بارىسىندا ايىپتالۋشىلاردىڭ كٸنەسٸ قىلمىستىق ٸس ماتەريالدارىمەن, جاسىرىن تەرگەۋ ەرەكەتتەرٸنٸڭ نەتيجەلەرٸمەن جەنە كۋەگەرلەردٸڭ كٶرسەتۋلەرٸمەن تولىق دەلەلدەندٸ.
سونىمەن قاتار سوت ماگيسترالدىق جەلٸ بويىنشا پاۆلودار بٶلٸمشەسٸنٸڭ باسشىسىنا قاتىستى 2021 جىلى باعىنىشتى قىزمەتكەرٸنەن قۇنى 57 مىڭ تەڭگە بولاتىن كەڭسە ورىندىعىن العان دەرەكتٸ دە نازارعا الدى.
ايىپتاۋ ٷكٸمٸ ەزٸرگە زاڭدى كٷشٸنە ەنگەن جوق جەنە اپەللياتسييالىق تەرتٸپپەن شاعىمدانۋعا جاتادى.
