"Qazatomónerkásip" ulttyq kompaniiasynyń burynǵy basshysy Muhtar Jákishev úshinshi ret ózin merziminen buryn shartty túrde bosatýdy surap, ótinish berdi, dep habarlaidy Dalanews.kz.
2020 jyldyń 6 aqpanynda Muhtar Jákishev merziminen buryn shartty túrde bosatý týraly úshinshi ret ótinish túsirip, ony Semei soty 10 aqpanda qabyldady, dep jazdy advokat Nurlan Beisekeev Facebook-tegi paraqshasynda osy habardy barshaǵa jetkizýge asyqqanyn aita otyryp.
"Qazatomónerkásip" ulttyq atom kompaniiasynyń burynǵy basshysy 2009 jyly iri ýran ken oryndaryndaǵy memleket úlesin satty degen aiyppen ustalǵan. 2010 jyly sot Jákishevti ózine senip tapsyrylǵan qarajatty jumsady jáne para alýǵa bailanysty aiypty dep tapty.
Ol 14 jylǵa bas bostandyǵynan aiyrý jazasyna kesildi.
2018 jylǵy 28 qarashada Semei soty Jákishevti 99,6 milliard teńge kólemindegi shyǵyndy ótemegeni úshin shartty túrde merziminen buryn bosatýdan bas tartty. 2019 jyldyń 24 shildesinde de sot ony ekinshi ret shartty túrde merziminen buryn bosatýǵa ruqsat bermedi.
