"قازاتومٶنەركەسٸپ" ۇلتتىق كومپانيياسىنىڭ بۇرىنعى باسشىسى مۇحتار جەكٸشەۆ ٷشٸنشٸ رەت ٶزٸن مەرزٸمٸنەن بۇرىن شارتتى تٷردە بوساتۋدى سۇراپ, ٶتٸنٸش بەردٸ, دەپ حابارلايدى Dalanews.kz.
2020 جىلدىڭ 6 اقپانىندا مۇحتار جەكٸشەۆ مەرزٸمٸنەن بۇرىن شارتتى تٷردە بوساتۋ تۋرالى ٷشٸنشٸ رەت ٶتٸنٸش تٷسٸرٸپ, ونى سەمەي سوتى 10 اقپاندا قابىلدادى, دەپ جازدى ادۆوكات نۇرلان بەيسەكەەۆ Facebook-تەگٸ پاراقشاسىندا وسى حاباردى بارشاعا جەتكٸزۋگە اسىققانىن ايتا وتىرىپ.
"قازاتومٶنەركەسٸپ" ۇلتتىق اتوم كومپانيياسىنىڭ بۇرىنعى باسشىسى 2009 جىلى ٸرٸ ۋران كەن ورىندارىنداعى مەملەكەت ٷلەسٸن ساتتى دەگەن ايىپپەن ۇستالعان. 2010 جىلى سوت جەكٸشەۆتٸ ٶزٸنە سەنٸپ تاپسىرىلعان قاراجاتتى جۇمسادى جەنە پارا الۋعا بايلانىستى ايىپتى دەپ تاپتى.
ول 14 جىلعا باس بوستاندىعىنان ايىرۋ جازاسىنا كەسٸلدٸ.
2018 جىلعى 28 قاراشادا سەمەي سوتى جەكٸشەۆتٸ 99,6 ميلليارد تەڭگە كٶلەمٸندەگٸ شىعىندى ٶتەمەگەنٸ ٷشٸن شارتتى تٷردە مەرزٸمٸنەن بۇرىن بوساتۋدان باس تارتتى. 2019 جىلدىڭ 24 شٸلدەسٸندە دە سوت ونى ەكٸنشٸ رەت شارتتى تٷردە مەرزٸمٸنەن بۇرىن بوساتۋعا رۇقسات بەرمەدٸ.
