– Osy men nege baiymaimyn? – dep suradym.
Sonda Júregim bylai aitty:
– Siz tapqanyńyzdy irkip jinamaisyz, demek baiymaisyz.
Siz turaqty kirisińizden artyq aqsha tabýǵa talpynbaisyz, demek baiymaisyz.
Siz jinasańyz da ony kapitalǵa ainaldyrmaisyz, aqsha tabýǵa aqsha salmaisyz, demek baiymaisyz.
Siz tipti keide aqsha týraly kóp oilaýǵa májbúr bolsańyz da, báribir naqty kiris kirgizetin iske tym az barasyz, demek baiymaisyz.
Siz barlyq qabiletińiz ben bilimińizdi kiris kirgizbeitin, paida bermeitin iske jumsap júrsiz, demek baiymaisyz.
Siz adamdardy óz klientińiz etýge tyryspaisyz, tym kóńilsheksiz, demek baiymaisyz.
Siz naqty jaǵdai týraly tez oilai almaisyz, tez eseptei almaisyz, tez istei almaisyz, tez ózińizdi kórsete almaisyz, demek baiymaisyz.
Siz tym romantiksiz, tym aqynjandysyz, demek baiymaisyz.
Siz tym filosofsyz, tym dogmatiksiz, demek baiymaisyz.
Siz qarjylyq táýekelge tym az barasyz, biznestik qaryz almaisyz, demek baiymaisyz.
Sizde paida beretin jańa ideia joq, bolsa da buldyr birdeńe, demek baiymaisyz.
Siz ainalańyzdaǵy bazardy zerttemeisiz, sizde menedjmenttik sana kem, sizde biznes jospary degen atymen joq, demek baiymaisyz...
– Eger osynyń bárin oryndasam baiimyn ba?
– Árine, ne ekseń sony orasyń, – dedi ol. – Biraq ol kezde siz qazirgidei bolmaýyńyz da múmkin, tipti siz endigi jerde siz sekildi bolmaýyńyz da múmkin. Muny sizdiń úreiińizden de baiqaýǵa bolady jáne osy úrei sebebinen de baiymaisyz.
– Endeshe, ózim bolmaityn iske urynyp qalmai turǵanda bul suraǵymdy doǵaraiyn. Al, ózin taba almai júrgender bolsa baiýdy synaq etip kórsin, bálkim, ózi sonda shyǵar.
Haidar ALPY
