مەن نەگە بايىمايمىن?

– وسى مەن نەگە بايىمايمىن? – دەپ سۇرادىم.

سوندا جٷرەگٸم بىلاي ايتتى:
– سٸز تاپقانىڭىزدى ٸركٸپ جينامايسىز, دەمەك بايىمايسىز.

سٸز تۇراقتى كٸرٸسٸڭٸزدەن ارتىق اقشا تابۋعا تالپىنبايسىز, دەمەك بايىمايسىز.
سٸز جيناساڭىز دا ونى كاپيتالعا اينالدىرمايسىز, اقشا تابۋعا اقشا سالمايسىز, دەمەك بايىمايسىز.
سٸز تٸپتٸ كەيدە اقشا تۋرالى كٶپ ويلاۋعا مەجبٷر بولساڭىز دا, بەرٸبٸر ناقتى كٸرٸس كٸرگٸزەتٸن ٸسكە تىم از باراسىز, دەمەك بايىمايسىز.
سٸز بارلىق قابٸلەتٸڭٸز بەن بٸلٸمٸڭٸزدٸ كٸرٸس كٸرگٸزبەيتٸن, پايدا بەرمەيتٸن ٸسكە جۇمساپ جٷرسٸز, دەمەك بايىمايسىز.
سٸز ادامداردى ٶز كليەنتٸڭٸز ەتۋگە تىرىسپايسىز, تىم كٶڭٸلشەكسٸز, دەمەك بايىمايسىز.
سٸز ناقتى جاعداي تۋرالى تەز ويلاي المايسىز, تەز ەسەپتەي المايسىز, تەز ٸستەي المايسىز, تەز ٶزٸڭٸزدٸ كٶرسەتە المايسىز, دەمەك بايىمايسىز.
سٸز تىم رومانتيكسٸز, تىم اقىنجاندىسىز, دەمەك بايىمايسىز.
سٸز تىم فيلوسوفسىز, تىم دوگماتيكسٸز, دەمەك بايىمايسىز.
سٸز قارجىلىق تەۋەكەلگە تىم از باراسىز, بيزنەستٸك قارىز المايسىز, دەمەك بايىمايسىز.
سٸزدە پايدا بەرەتٸن جاڭا يدەيا جوق, بولسا دا بۇلدىر بٸردەڭە, دەمەك بايىمايسىز.
سٸز اينالاڭىزداعى بازاردى زەرتتەمەيسٸز, سٸزدە مەنەدجمەنتتٸك سانا كەم, سٸزدە بيزنەس جوسپارى دەگەن اتىمەن جوق, دەمەك بايىمايسىز...
– ەگەر وسىنىڭ بەرٸن ورىنداسام باييمىن با?
– ەرينە, نە ەكسەڭ سونى وراسىڭ, – دەدٸ ول. – بٸراق ول كەزدە سٸز قازٸرگٸدەي بولماۋىڭىز دا مٷمكٸن, تٸپتٸ سٸز ەندٸگٸ جەردە سٸز سەكٸلدٸ بولماۋىڭىز دا مٷمكٸن. مۇنى سٸزدٸڭ ٷرەيٸڭٸزدەن دە بايقاۋعا بولادى جەنە وسى ٷرەي سەبەبٸنەن دە بايىمايسىز.
– ەندەشە, ٶزٸم بولمايتىن ٸسكە ۇرىنىپ قالماي تۇرعاندا بۇل سۇراعىمدى دوعارايىن. ال, ٶزٸن تابا الماي جٷرگەندەر بولسا بايۋدى سىناق ەتٸپ كٶرسٸن, بەلكٸم, ٶزٸ سوندا شىعار.

حايدار الپى