– Qazirgi ýaqytta. bizdiń sport mekemesi birneshe baǵytta jumys isteidi – bul Paralimpiadalyq qozǵalys, qozǵalys jáne kórý organdary zaqymdalǵan adamdar úshin, estý organdary zaqymdalǵan adamdar úshin ippoterapiia, sonymen qatar shahmat, doiby, jeńil atletika, toǵyzqumalaq, paýerlifting, qol kúres, júzý, ústel tennisi, paralimpiadalyq at sporty, fýtbol, dziýdo bólimderi ashyldy.
Sonymen qatar bizdiń sport klýbymyzdyń balansynda Glýbokoe aýdanynda at sporty maneji bar, onda biz ippoterapiia jobasyn belsendi túrde júzege asyramyz. Bul joba 2016 jyldan bastap jyl saiyn mamyr-jeltoqsan ailary aralyǵynda júzege asyrylady, onda múmkindigi shekteýli 144 adam qatysady, onyń ishinde 16 adam beiimdelgen at sporty baǵdarlamasy boiynsha ainalysady jáne 8-i Qazaqstan aýmaǵynda jáne odan tys jerlerde birneshe ret jarystarǵa qatysqan sportshylar, – dedi ShQO óńirlik kommýnikatsiialyq qyzmetinde ótken brifingte múmkindigi shekteýli jandarǵa arnalǵan sport klýby direktorynyń orynbasary Farid Qaliev myrza.
Aita ketý kerek, Qazaqstandaǵy ippoterapiia jobasy 2013 jyldan bastap biýdjet esebinen tolyq qarjylandyrylyp keledi. Búgingi kúni tek Shyǵys Qazaqstan oblysynda ǵana atalǵan joba iske asýda.
Al múmkindigi shekteýli adamdarǵa arnalǵan sport klýbynda qazirdiń ózinde 192 belsendi sportshylar jattyǵady. 20 jattyqtyrýshy olarmen jumys jasaidy.
Jyl saiyn klýbta múmkindigi shekteýli jandarǵa arnalǵan sport festivalin ótkizilip, ShQO-nyń barlyq aýdandarynan sportshylar ózara saiysqa túsedi. 7 jyl ishinde 123 «QR Eńbek sińirgen sport sheberi», 15 sportshy «Halyqaralyq dárejedegi sport sheberi», 8-i «Sport sheberi» ataqtaryna ie boldy.
– Jalpy, bizdiń mindetimiz balalar men jastardy belsendi ómir saltyna mashyqtaý, múmkindigi shekteýli jandardy sportqa baýlý, – deidi Farid myrza.
