Úkimettiń keńeitilgen otyrysynda Prezident osy máseleni qaýzady, dep habarlaidy Dalanews.kz.
Ol qazir Májiliste memlekettik satyp alý týraly zań jobasy qaralyp jatqanyn atap ótti.
"Bul qujatty pysyqtap, jetildirý qajet. Parlament depýtattarynan osyǵan erekshe mán berýdi suraimyn. Eń aldymen, aýditorlardyń qyzmetin retteý kerek", - dedi Memleket basshysy.
Onyń paiymynsha, árkimniń zań normalaryn óz qalaýyna qarai ikemdep, túsindirýine jol berýge bolmaidy.
"Bul – taýar, jumys jáne qyzmet usynýshylarǵa qoiylatyn talaptarǵa da qatysty másele. Olardyń belgilengen merzimdi buzǵany jáne jumysty sapasyz oryndaǵany úshin jaýapkershiligin kúsheitý qajet. Munyń, ásirese, qurylys salasy úshin mańyzy zor.
Memlekettik satyp alý týraly jańa zań ERS sharttaryn qoldana otyryp, infraqurylym jobalaryn tolyq júzege asyrýǵa múmkindik berýge tiis. Bul rette ERS sharttaryn jasaýǵa daiyndyq sharalarynyń merzimi qysqa bolýǵa tiis. Sonda ákimdikter basymdyq berilgen ári shuǵyl júzege asyrylýǵa tiis jobalardy tezdetedi", - dedi Toqaev.
