ۇكىمەتتىڭ كەڭەيتىلگەن وتىرىسىندا پرەزيدەنت وسى ماسەلەنى قاۋزادى، دەپ حابارلايدى Dalanews.kz.
ول ءقازىر ماجىلىستە مەملەكەتتىك ساتىپ الۋ تۋرالى زاڭ جوباسى قارالىپ جاتقانىن اتاپ ءوتتى.
"بۇل قۇجاتتى پىسىقتاپ، جەتىلدىرۋ قاجەت. پارلامەنت دەپۋتاتتارىنان وسىعان ەرەكشە ءمان بەرۋدى سۇرايمىن. ەڭ الدىمەن، اۋديتورلاردىڭ قىزمەتىن رەتتەۋ كەرەك"، - دەدى مەملەكەت باسشىسى.
ونىڭ پايىمىنشا، اركىمنىڭ زاڭ نورمالارىن ءوز قالاۋىنا قاراي يكەمدەپ، تۇسىندىرۋىنە جول بەرۋگە بولمايدى.
"بۇل – تاۋار، جۇمىس جانە قىزمەت ۇسىنۋشىلارعا قويىلاتىن تالاپتارعا دا قاتىستى ماسەلە. ولاردىڭ بەلگىلەنگەن مەرزىمدى بۇزعانى جانە جۇمىستى ساپاسىز ورىنداعانى ءۇشىن جاۋاپكەرشىلىگىن كۇشەيتۋ قاجەت. مۇنىڭ، اسىرەسە، قۇرىلىس سالاسى ءۇشىن ماڭىزى زور.
مەملەكەتتىك ساتىپ الۋ تۋرالى جاڭا زاڭ ەرس شارتتارىن قولدانا وتىرىپ، ينفراقۇرىلىم جوبالارىن تولىق جۇزەگە اسىرۋعا مۇمكىندىك بەرۋگە ءتيىس. بۇل رەتتە ەرس شارتتارىن جاساۋعا دايىندىق شارالارىنىڭ مەرزىمى قىسقا بولۋعا ءتيىس. سوندا اكىمدىكتەر باسىمدىق بەرىلگەن ءارى شۇعىل جۇزەگە اسىرىلۋعا ءتيىس جوبالاردى تەزدەتەدى"، - دەدى توقايەۆ.
