Parlament Májilisiniń depýtaty Erlan Sairov infraqurylymdyq jobalarǵa milliardtaǵan biýdjet qarajaty bólinip jatqanymen, jumys sapasyna kóptiń kóńili tolmaitynyn aitty, - dep habarlaidy Dalanews.kz.
Depýtattyń sózinshe, sońǵy jyldary infraqurylymdyq nysandar qurylysynyń qymbattaýy aitarlyqtai tendentsiiaǵa ainaldy. Bul jobalardy Úkimet te, óńirlik bilik te júzege asyrýda.
"Mysaly, Sybailas jemqorlyqqa qarsy is-qimyl agenttigi jol salý salasyndaǵy jobalyq-smetalyq qujattama qunynyń 10 milliard teńgege jýyq negizsiz qymbattaýyn anyqtady. Merdigerler baǵanyń jasandy túrde kóterilýin jáne jańa qarjylyq qujattamany qaita qaraýdy shartty qatynas retinde qabyldaidy. Almatydaǵy metro qurylysy kezinde merdiger «Bazis-A» kompaniiasyna ár joly milliardtaǵan teńge qosymsha bólinedi, alaida jumys kólemi qysqartylyp keledi", deidi májilis depýtaty.
Sonymen qatar, Ekibastuzda úshinshi energoblok salý máselesi 30 jyldan beri talqylanýda.
"2012 jyldyń qańtarynda Ekibastuz GRES-2 qazandyǵy men týrboagregatyn daiyndaýǵa 73,9 milliard teńgege kelisimshart jasasyp, 38 milliard teńge aldyn ala tólem jasaǵan. Alaida, búginge deiin qurylys aiaqtalmaǵan. Joǵarǵy aýditorlyq palatanyń málimetinshe, 2023 jyly gaz qubyryn salý jobasynyń quny 10 milliard teńgeden astam negizsiz qymbattaǵan. Mundai mysaldardy júzdep keltirýge bolady", deidi Sairov.
Erlan Sairovtyń sózinshe, tek negizsiz baǵa ósimin boldyrmaý arqyly halyq qarjysynan júzdegen milliard teńgeni únemdeýge bolady.
«AMANAT» fraktsiiasy memlekettik qarajatty jumsaýda qatań tártip ornatý jáne jobalardyń negizsiz qymbattaýyna jol bermeý ýaqyty kelgenin málimdeidi. Memlekettik qarajat baqylaýda bolýy tiis! Toiymsyz merdigerlerdi asyraýdy toqtatý kerek, tapsyrys berýshilerdiń sheksiz tábetin tejeý qajet! Osyǵan bailanysty, infraqurylymdy damytýǵa bólingen biýdjet qarajatynyń josparlanýy men maqsatty jumsalýyn qatań baqylaýǵa alýdy suraimyn", deidi depýtat.
