Oljas Bektenov Aktivterdi qaitarý máseleleri jónindegi komissiia otyrysyn ótkizdi: memleket kirisine qosymsha 525 mlrd teńge aýdaryldy, - dep habarlaidy Dalanews.kz.
Premer-ministr Oljas Bektenovtiń tóraǵalyǵymen Aktivterdi qaitarý máseleleri jónindegi komissiianyń kezekti otyrysy ótti.
Komissiia "Zańsyz iemdenilgen aktivterdi memleketke qaitarý týraly" Zań sýbektileriniń jalpy somasy 525 mlrd teńgeden astam qarajatty memleket paidasyna aýdarý jáne áleýmettik jobalardy júzege asyrý jónindegi kelisimderin maquldady.
Qarajatty Arnaýly memlekettik qorǵa aýdarýmen qatar, Zań sýbektileri esebinen kelesi obektilerdiń qurylysy maquldandy: Arqalyq qalasynda daryndy sportshy balalarǵa arnalǵan 120 oryndyq sporttyq keshen, Astanada tirek-qimyl apparaty buzylǵan balalarǵa arnalǵan ońaltý ortalyǵy, Almatyda erekshe qajettiligi bar adamdarǵa arnalǵan 400 oryndyq jattyǵý ortalyǵy.
"Memleket basshysy atap ótkendei, qaitarylǵan barlyq qarajat qazaqstandyqtardyń igiligi úshin jumys isteýi tiis. Biylǵy jyldyń basynan bastap Komissiia qaitarylǵan aktivter boiynsha jalpy somasy 900 mlrd teńgeden astam kelisimderdi maquldady. Bul qarajatqa birqatar áleýmettik infraqurylym obektileriniń qurylysy bastaldy", - dep atap ótti Oljas Bektenov.
Buǵan deiin, Prezident tapsyrmasy boiynsha Arnaýly memlekettik qordan Aqmola oblysyndaǵy Zerendi aýylynda sporttyq keshen jáne Túrkistan oblysyndaǵy Temirlan aýylynda mýzyka mektebiniń qurylysyna qarajat bólindi.
