"Ekinshi deńgeidegi bankterdiń resýrstaryn memlekettik baǵdarlamalarǵa, sonyń ishinde iri infraqurylymdyq jobalardyń qurylysyn qarjylandyrý úshin tartý qajettiligi týraly jii aitylyp keledi. Bul shara bankterdiń aqshasyn ekonomikalyq ainalymǵa qosyp, qarjylandyrý kólemin birneshe ese arttyrýǵa múmkindik beredi", - dep atap ótti prezident.
Toqaev 2017-2020 jyldar aralyǵynda memleket tarapynan, onyń ishinde Ulttyq qor esebinen birneshe iri bankke 15 jylǵa qarjylai qoldaý kórsetilgenin aitty. Osy tusta, ol keibir bankterdiń shyǵyndaryn ótegenin, biraq memlekettik qarjyny qaitarýǵa asyqpaitynyn jetkizdi.
"Bul kómektiń sharttary boiynsha bank aktsionerleri ortaq jaýapkershilikke tartylýy tiis edi. Keibir bankter óz shyǵyndaryn áldeqashan ótegen. Biraq memlekettiń ieligindegi qarjyny qaitarýǵa asyqpaidy. Tipti ony joǵary paiyzben táýekeli az memlekettik qarjy quraldaryna salyp, kepildi tabys taýyp otyr. Úkimet pen Ulttyq bankke shara qabyldaýdy tapsyramyn", - dedi ol.
Sonymen qatar joǵary paiyzben táýekeli az memlekettik qarjy quraldaryna aqsha salyp, kepildi tabys taýyp otyrǵandaryn atap ótti.
Úkimet pen Ulttyq bankke naqty sharalar qabyldaýdy tapsyrǵan memleket basshysy bankter men Úkimet arasyndaǵy dialog negizinde ádil seriktestik ornaýy qajet ekendigin aitty.
