"Екінші деңгейдегі банктердің ресурстарын мемлекеттік бағдарламаларға, соның ішінде ірі инфрақұрылымдық жобалардың құрылысын қаржыландыру үшін тарту қажеттілігі туралы жиі айтылып келеді. Бұл шара банктердің ақшасын экономикалық айналымға қосып, қаржыландыру көлемін бірнеше есе арттыруға мүмкіндік береді", - деп атап өтті президент.
Тоқаев 2017-2020 жылдар аралығында мемлекет тарапынан, оның ішінде Ұлттық қор есебінен бірнеше ірі банкке 15 жылға қаржылай қолдау көрсетілгенін айтты. Осы тұста, ол кейбір банктердің шығындарын өтегенін, бірақ мемлекеттік қаржыны қайтаруға асықпайтынын жеткізді.
"Бұл көмектің шарттары бойынша банк акционерлері ортақ жауапкершілікке тартылуы тиіс еді. Кейбір банктер өз шығындарын әлдеқашан өтеген. Бірақ мемлекеттің иелігіндегі қаржыны қайтаруға асықпайды. Тіпті оны жоғары пайызбен тәуекелі аз мемлекеттік қаржы құралдарына салып, кепілді табыс тауып отыр. Үкімет пен Ұлттық банкке шара қабылдауды тапсырамын", - деді ол.
Сонымен қатар жоғары пайызбен тәуекелі аз мемлекеттік қаржы құралдарына ақша салып, кепілді табыс тауып отырғандарын атап өтті.
Үкімет пен Ұлттық банкке нақты шаралар қабылдауды тапсырған мемлекет басшысы банктер мен Үкімет арасындағы диалог негізінде әділ серіктестік орнауы қажет екендігін айтты.
