Memleket basshysy Qasym-Jomart Toqaev Eýropalyq qaita qurý jáne damý bankiniń prezidenti Odil Reno-Bassomen kezdesti. Qos tarap Qazaqstan men EQDB arasyndaǵy yntymaqtastyqtyń perspektivasyn talqylap, álemdik ekonomikanyń ózekti máseleleri boiynsha pikir almasty, dep habarlaidy Dalanews.kz.
Qarjy uiymymen bailanys ornatqannan beri elimiz shaǵyn jáne orta biznes, energetika, aýyl sharýashylyǵy siiaqty birqatar strategiialyq sektorda aitarlyqtai nátijege qol jetkizgen.
Memleket basshysy Eýropalyq qaita qurý jáne damý bankiniń birlesken jobalarǵa, sonyń ishinde "jasyl ekonomika" baǵdarlamalaryn júzege asyrýǵa investitsiia quiý nietin quptady.
Odil Reno-Basso elimizdiń investitsiialyq áleýetine joǵary baǵa berip, qarjy institýty Qazaqstannyń infraqurylymdyq turǵydan damýyn odan ári qoldaýǵa múddeli ekenin málimdedi.
Onyń aitýynsha, jaqynda uzyndyǵy 234 shaqyrym bolatyn Aqtóbe – Ulǵaisyn avtojolyn jańǵyrtýdy qarjylandyrý týraly sheshim qabyldanǵan. Bul baǵyttyń ishki jáne halyqaralyq tasymaldy damytýda mańyzy zor.
Odil Reno-Basso EQDB men Qazaqstan yntymaqtastyǵy tabysty damyp kele jatqanyn aitty.
Ol 2024 jyly investitsiia kólemi 2023 jylmen salystyrǵanda eki ese artqanyn, sonyń nátijesinde 1 milliard eýroǵa jýyqtaǵanyn atap ótti. Budan bólek, bank basshysy Qazaqstannyń kólik áleýetin jáne energetika sektoryn damytýǵa qoldaý kórsetýge daiyn ekenin rastady.
Aita ketsek,bir kún buryn Premer-ministr Oljas Bektenov Sheteldik investorlar keńesiniń 37-shi plenarlyq otyrysyna qatysý úshin Astanaǵa kelgen Eýropalyq qaita qurý jáne damý bankiniń (EQDB) prezidenti Odil Reno-Bassomen kezdesý ótkizdi. Onda kólik infraqurylymyn, "jasyl" energetikany, ShOB, aýyl sharýashylyǵyn, aqparattyq tehnologiialardy jáne basqa da salalardy damytý jónindegi yntymaqtastyq máseleleri talqylandy.
