Berik Sholpanqulov Ulttyq bank tóraǵasynyń orynbasary qyzmetinen ketti, dep habarlaidy Dalanews.kz.
"Memleket basshysynyń ókimimen Berik Sholpanqululy Sholpanqulov bergen ótinishine sáikes Qazaqstan Respýblikasy Ulttyq Banki Tóraǵasynyń orynbasary laýazymynan bosatyldy", - delingen Aqorda taratqan habarlamada.
Eske salaiyq, buǵan deiin Sholpanqulov BES.media tilshisine bergen suqbatynda qazaqstandyq bankterdiń birinen 7 trillion teńgeden astam qarjyny aýdarý týraly aqparatqa pikir bildirgen edi.
Onyń sózinshe, atalǵan 7 trln teńge - qarajattyń syrtqa shyǵarylǵan taza somasy emes, banktegi operatsiialardyń jalpy ainalym kólemi. Sholpanqulov muny qarapaiym mysalmen túsindirip, bir qarajat kún ishinde birneshe ret aýdarylsa, jyl sońynda jiyntyq soma edáýir úlken bolyp kórinetinin aitqan.
Sondai-aq ol transshekaralyq operatsiialardy Qarjy naryǵyn retteý jáne damytý agenttigi Ulttyq bankpen birlesip tekserip jatqanyn jetkizdi. Tekserý áli aiaqtalmaǵanymen, aldyn ala málimet boiynsha eleýli zańbuzýshylyq belgileri anyqtalmaǵan.
