Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

"Mekteptiń qurylysyn sozý – naǵyz qylmys". Ákim ashýǵa mindi

Dalanews
"Mekteptiń qurylysyn sozý – naǵyz qylmys". Ákim ashýǵa mindi
Túrkistan oblysy ákimi apparatynyń májilisi Abai oblysynda orman órtin sóndirý barysynda qaza tapqan 14 azamatty bir minýt únsizdikpen eske alýdan bastaldy. Oblys basshysy Darhan Satybaldynyń tóraǵalyǵymen ótken jiynda memlekettik satyp alý jumystarynyń barysy jáne ózekti máseleleri jáne problemalyq qurylys nysandarynyń jai-kúii talqylandy. Oblys ákimi bul baǵyttarda nemquraidylyqqa jol bergen basshylardy synǵa alyp, jumysty shiratýdy tapsyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Qurylys basqarmasynyń basshysy Toqtar Úsipálievtiń baiandaýynsha, birneshe jyldan beri toqtap turǵan 7 mekteptiń qurylysy araǵa ýaqyt salyp, qaita jandanbaq.

Qazyǵurt, Otyrar jáne Ordabasy aýdandarynda ornalasqan bilim uialary merdigerler tarapynan toqtaǵan. Baǵany kóterilýi men pandemiia saldaryn alǵa tartqandardyń isteri sotta qaralyp jatyr.

Birqatary boiynsha sheshim shyǵyp, qurylystyń konkýrsy qaitadan ótkizile bastady. Ártúrli sebeptermen úsh kópqabatty turǵyn úidiń qurylysy da toqtap tur. Is sotta qaralýda.

Qurylysty sozǵandar josyqsyz merdigerler tizimine enedi. Orta mektepterdiń qurylys kompaniialaryn memlekettik satyp alýlardyń josyqsyz qatysýshylary tizilimine engizý jáne turaqsyzdyq aiybyn óndirip alý týraly talaptary sotta qanaǵattandyryldy.

– Josyqsyz merdigerlerge shara qabyldaý qajet. Mańyzdy áleýmettik nysannyń qurylysyn osynshama ýaqytqa sozý – naǵyz qylmys. Ár istiń artynda qanshama halyq turǵanyn oilaý kerek. Qoldan kelmei me, kirispesin. Jaýapty isti moinyna alǵan soń sapaly jáne ýaqtyly oryndaý – basty nazarda bolý kerek. Josyqsyz merdigerlermen jumys isteýdi toqtatý kerek. Qalǵandaryna sabaq bolsyn. Árbir áleýmettik nysannyń qurylysyna halyqtyń qarjysy jumsalady. Onyń suraýy bar, – dedi Túrkistan oblysynyń ákimi Darhan Satybaldy.

Júrgizilgen taldaý nátijesinde jumysy aiaqtaýsyz qalǵan nysandar anyqtalǵan. Memlekettik satyp alý basqarmasynyń basshysy Qairat Elibaevtyń baiandaýynsha, memlekettik satyp alýdyń barlyq printsipterin, onyń ishinde adal básekelestik, ashyqtyq pen biýdjet qarajatynyń ońtaily jáne tiimdi jumsalýy qatań baqylaýda.

Jumysty qaita jandandyrý maqsatynda zań turǵysynda súiemeldeý jumystary júrgizilgen. Satyp alý monitoringi qyzmetin kúsheitý úshin basqarmalarǵa, aýdan, qalalarǵa tyńdalym ótkizý, tapsyrys berýshiler jumysyn úilestirý, esep berý derekterin tekserý júrgiziledi. Jańa baǵdarlamalardyń jumys isteýin túsindirý boiynsha seminarlar ótkizý josparlanǵan.
túrkistan Darhan Satybaldy Madina Sádýaqasova

Oqi otyryńyz