قۇرىلىس باسقارماسىنىڭ باسشىسى توقتار ٷسٸپەليەۆتٸڭ بايانداۋىنشا, بٸرنەشە جىلدان بەرٸ توقتاپ تۇرعان 7 مەكتەپتٸڭ قۇرىلىسى اراعا ۋاقىت سالىپ, قايتا جاندانباق.
قازىعۇرت, وتىرار جەنە ورداباسى اۋداندارىندا ورنالاسقان بٸلٸم ۇيالارى مەردٸگەرلەر تاراپىنان توقتاعان. باعانى كٶتەرٸلۋٸ مەن پاندەمييا سالدارىن العا تارتقانداردىڭ ٸستەرٸ سوتتا قارالىپ جاتىر.
بٸرقاتارى بويىنشا شەشٸم شىعىپ, قۇرىلىستىڭ كونكۋرسى قايتادان ٶتكٸزٸلە باستادى. ەرتٷرلٸ سەبەپتەرمەن ٷش كٶپقاباتتى تۇرعىن ٷيدٸڭ قۇرىلىسى دا توقتاپ تۇر. ٸس سوتتا قارالۋدا.
قۇرىلىستى سوزعاندار جوسىقسىز مەردٸگەرلەر تٸزٸمٸنە ەنەدٸ. ورتا مەكتەپتەردٸڭ قۇرىلىس كومپانييالارىن مەملەكەتتٸك ساتىپ الۋلاردىڭ جوسىقسىز قاتىسۋشىلارى تٸزٸلٸمٸنە ەنگٸزۋ جەنە تۇراقسىزدىق ايىبىن ٶندٸرٸپ الۋ تۋرالى تالاپتارى سوتتا قاناعاتتاندىرىلدى.
جٷرگٸزٸلگەن تالداۋ نەتيجەسٸندە جۇمىسى اياقتاۋسىز قالعان نىساندار انىقتالعان. مەملەكەتتٸك ساتىپ الۋ باسقارماسىنىڭ باسشىسى قايرات ەليباەۆتىڭ بايانداۋىنشا, مەملەكەتتٸك ساتىپ الۋدىڭ بارلىق پرينتسيپتەرٸن, ونىڭ ٸشٸندە ادال بەسەكەلەستٸك, اشىقتىق پەن بيۋدجەت قاراجاتىنىڭ وڭتايلى جەنە تيٸمدٸ جۇمسالۋى قاتاڭ باقىلاۋدا.
جۇمىستى قايتا جانداندىرۋ ماقساتىندا زاڭ تۇرعىسىندا سٷيەمەلدەۋ جۇمىستارى جٷرگٸزٸلگەن. ساتىپ الۋ مونيتورينگٸ قىزمەتٸن كٷشەيتۋ ٷشٸن باسقارمالارعا, اۋدان, قالالارعا تىڭدالىم ٶتكٸزۋ, تاپسىرىس بەرۋشٸلەر جۇمىسىن ٷيلەستٸرۋ, ەسەپ بەرۋ دەرەكتەرٸن تەكسەرۋ جٷرگٸزٸلەدٸ. جاڭا باعدارلامالاردىڭ جۇمىس ٸستەۋٸن تٷسٸندٸرۋ بويىنشا سەمينارلار ٶتكٸزۋ جوسپارلانعان.
