Oqý-aǵartý ministri Ǵani Beisembaev ýaqyt beldeýi aýysýyna bailanysty sabaq saǵattary qysqartylǵan mektepterde jazda oqý jalǵasýy múmkin ekenin jetkizdi, dep habarlaidy Dalanews.kz.
Onyń sózinshe, oqýshylardyń mektepten qarańǵyda qaitýy ózekti másele emes. Sondyqtan sabaqty qysqartý ne qysqartpaýdy ár mektep ózi qabyldaitynyn eske saldy.
"Ereje bar, soǵan sáikes bir sabaqtyń naqty ýaqyty kórsetilgen. Ár mektep sol ýaqytty saqtaýǵa mindetti. Bizde osyǵan uqsas jaǵdai 2020 jylǵy pandemiia kezinde bolǵan, ol kezde sabaq 40 minýttan boldy. Sonan soń 2021-2022 jyldary jazǵy mektepter uiymdastyryldy", - dedi Ǵani Beisembaev.
Ministrdiń pikirinshe, elimizdiń shyǵysynda úsh aýysymdy mektepterge sabaq ýaqytyn qysqartý týraly usynys berilgen.
