Oblys ákimi Janseiit Túimebaevtyń tóraǵalyq etýimen ótken selektorlyq jiynda atalǵan másele jan-jaqty talqylandy.
Jiynda baiandama jasaǵan oblys ákiminiń orynbasary U.Sádibekov bilim salasynda oryn alǵan birqatar sybailas jemqorlyq derekterine toltalyp, onyń aldyn alý joldaryn usyndy.
– 2015 jyldan beri sybailas-jemqorlyq, quqyqbuzýshylyq faktilerine jol bergen bilim salasynyń 55 qyzmetkeri tártiptik, qylmystyq jaýapkershilikke tartylǵan. Osyndai olqylyqtyń aldyn alý maqsatynda «Tsifrly Qazaqstan» memlekettik baǵdarlamasy qolǵa alynyp otyr.
Osyǵan deiin pedagogikalyq qyzmetke kandidattar, joǵarǵy oqý oryndarynyń túlekteri, bos jumys oryndaryn izdeý maqsatynda barlyq bilim berý uiymdaryn aralaýǵa májbúr edi.
Atalǵan júie engizilgennen keiin veb-portal arqyly onlain-ótinishti joldap, konkýrstyq negizde irikteýden ótip jumysqa qabyldaýǵa komissiiaǵa usynylady. Bul jumystar qoǵamda oryn alatyn sybailas-jemqorlyq faktileriniń týyndaýyna birshama kedergisin týǵyzady dep sanaimyz, – dedi Ulasbek Sádibekuly.
Bul júie Shymkent qalasyndaǵy barlyq mektepke ornatylǵan. Nátijesinde qaladaǵy bilim uialarynda 12, al oblys boiynsha 205 bos jumys oryny bar ekeni anyqtalǵan. Degenmen, keibir aýdandarda atalǵan júieniń maqsatty jumys isteýi úshin qajetti kabinetter jabdyqtalmaǵan. Sonymen qatar, bul júieniń jáne kabinettiń jumysyn úilestirý úshin IT-mamandar birlikteri bólinbegen.
Aimaq basshysy aýdan, qala ákimderine atalǵan kemshilikterdi joiýdy tapsyrdy.
Sonymen qatar, mektep direktorlarynyń oqý-tárbie jáne pedagogikalyq innovatsiia jumystarymen ainalysýyna tolyq múmkindikter jasaý maqsatynda bilim berý uiymdaryndaǵy tehnikalyq qyzmetkerlerdiń jumysyn uiymdastyrýdy jáne mektep ǵimarattaryn ustaý qyzmetterin jańa formada uiymdastyrý úshin jergilikti jerlerdegi kommýnaldyq sharýashylyq qyzmetine berý mehanizimin qarastyrý jóninde usynys jasaldy.
– Biz bilim berý uiymdarynyń basshylaryn taǵaiyndaýdaǵy dástúrli júieni túbegeili ózgertip, jańashyldyqqa bet burýdy bastadyq. Ol – zaman talaby. Qazirgi tańda, oblys boiynsha 7 aýdanda 25 mektep direktory laýazymy qyzmetine bos oryn bolǵanymen saitqa jariialanbai otyr. Olar Arys, Qazyǵurt, Maqtaral, Otyrar, Sairam, Tólebi, Túlkibas. Sonymen qatar, 2018 jyldyń I-toqsanynda
Bilim basqarmasyna jeke tulǵalardan 104 aryz-shaǵym kelip tússe onyń 68-i mektep basshylyǵyna qatysty, 9-y sybailastyq faktilerine, 12-si eńbek qatynasyna qatysty, qalǵan 15-i ózge de máselelerdi quraǵan.
Mine, osy problemalardy boldyrmaý tikelei jergilikti ákimdiktiń jumysy. Bilim salasyna sandyq tehnologiianyń jetistikterin jáne ózge de jańa zamanǵa júielerdi engizip, týyndaǵan máselelerdi túbegeili sheshýdiń jolyn tabý kerek, – dedi Janseiit Qanseiituly.
Jiyndy qorytyndylaǵan aimaq basshysy oblys ákiminiń orynbasary U.Sádibekovke taldaý jumystaryn júrgizýdi jáne kemshilikke jol bergen mamandarǵa tiisti shara qabyldaýdy tapsyrdy. Sonymen birge mektep direktorlaryn rotatsiialaý boiynsha utymdy usynys jasaý qajettiligin aitty. Sebebi, arnaiy zerdeleý barysynda bir mektepte 15 jyldan joǵary – 36, 20 jyldan joǵary – 19 direktor qyzmet etetindigi anyqtalǵan.
OQO ákiminiń baspasóz qyzmeti
